ស្រឡាញ់ណាស់! Rooney សារភាពថាចង់ដឹកនាំតារាឆ្នើមប្រចាំជម្រើសជាតិអង់គ្លេសរូបនេះ

June 14, 2021

អង់គ្លេស៖ លោក Wayne Rooney ដែលជាវីរបុរសរបស់អង់គ្លេស បានថ្លែងកោតសរសើរ ខ្សែបម្រើ Jack Grealish ថារូបលោកពិតជាចង់ដឹកនាំ Grealish ណាស់ និងថែមទាំងនិយាយទៀតថាគេមានសមត្ថភាពស្រដៀងនឹងអតីតខ្សែបម្រើ Paul Gascoigne(Gazza) ទៀតផង។

អតីតខ្សែបម្រើ Paul Gascoigne(Gazza) — អតីតខ្សែបម្រើ Paul Gascoigne(Gazza)

ប្រធានក្រុម Aston Villa រូបនេះត្រូវបានលោកគ្រូបង្វឹក Gareth Southgate កោះហៅនៅក្រុមជម្រើសជាតិអង់គ្លេសសម្រាប់ការប្រកួតនៅព្រឹត្តិការណ៍បាល់ទាត់ទ្វីបអឺរ៉ុបហៅកាត់ថា Euro 2020 ហើយកន្លងមកគេក៏កំពុងទាក់ទាញចំណាប់អារម្មណ៍ពីក្លិប Manchester United ផងដែរ។

ភាពវ័យឆ្លាតរបស់ Grealish ធ្វើឲ្យ Rooney ថ្លែងប្រាប់សារព័ត៌មាន The Timess ថា៖

Jack Grealish គឺជាកីឡាករដែលខ្ញុំមើលឃើញថាមានសមត្ថភាពប្រហាក់ប្រហែល Gazza នៅលើទីលាន។ គេនៅត្រូវអភិវឌ្ឍខ្លួនឯងទៀតទើបអាចឈានដល់កម្រិត Gazza ប៉ុន្តែស្ទាយន៍នៃការលេងបាល់ វិធីដែលគេដណ្ដើមយកបាល់និងបណ្ដើរបាល់ ធ្វើឲ្យគូប្រកួតមើលទៅពិតជាពិបាកនឹងចូលលេងតទល់ជាមួយ ហើយគេក៏មានភាពជឿជាក់លើខ្លួនឯងផងដែរ វាធ្វើឲ្យខ្ញុំនឹកដល់ វីរបុរសដែលខ្ញុំធ្លាប់មើលនៅ Everton ។ សម្រាប់អង់គ្លេសគឺខ្ញុំគិតថា Harry Kane ជាតួអង្គសំខាន់ ប៉ុន្តែ Grealish ជួយឲ្យការប្រកួតកាន់តែស្វិតស្វាញ។ គេអាចទាក់ទាញខ្សែការពារបាន ឬក៏អាចធ្វើឲ្យអ្នកខាងណោះបង្កកំហុស និងអាចឈ្នះបាល់ Free Kick នៅក្នុងប្រអប់គ្រោះថ្នាក់ គេក៏ចេះបង្កើតឱកាសនិងស៊ុតបញ្ចូលទីផងដែរ។ខ្ញុំចង់ដឹកនាំ Grealish នៅថ្ងៃណាមួយហើយបើសិនខ្ញុំពិតជាមានឱកាសមែន ខ្ញុំចង់លើកទឹកចិត្តឲ្យគេចេះក្លាហានជាងមុន មិនខ្លាចការបង្កើតកំហុស។
— លោក Wayne Rooney

ប្រភព៖ metro

អានបន្ថែម