លាហើយ! កីឡាកររូបនេះ នឹងចាកចេញពី Chelsea ក្រោយចប់រដូវកាលនេះ

អង់គ្លេស៖ ខ្សែប្រយុទ្ធ Pierre-Emerick Aubameyang ត្រូវបានគេរាយការណ៍ថា នឹងចាកចេញពី Chelsea ក្រោយបញ្ចប់រដូវកាលនេះ និង អាចនឹងត្រឡប់មកកាន់ Barcelona វិញ។

ជាការពិតណាស់ Aubameyang បានចាកចេញពី Arsenal ដើម្បីមកចូលរួមជាមួយ Barcelona កាលពីពាក់កណ្តាលរដូវកាលមុន ប៉ុន្តែ ក្រោយការមកដល់របស់ Robert Lewandowski ធ្វើឲ្យគេរូបគេបាត់បង់កៅអីជម្រើសដំបូង និង បានសម្រេចចិត្តចាកចេញមកកាន់ Chelsea នាដើមរដូវកាលនេះ។ 

យ៉ាងណាក៏ដោយការមកដល់ Chelsea គឺ រូបគេកាន់តែមិនជោគជ័យ ថែមទាំង លោក Graham Potter មិនបានបញ្ចូលឈ្មោះរូបគេក្នុងពានរង្វាន់ Champions League ទៀត ហើត បើយោងតាមការចុះផ្សាយរបស់លោក Fabrizio Romano បានលើកឡើងថា Aubameyang នឹងចាកចេញពីកីឡដ្ឋាន Stamford Bridge ក្រោយចប់រដូវកាលនេះ ហើយ គេក៏អាចមានភាគរយខ្ពស់ក្នុងការវិលត្រឡប់មក Barcelona វិញ៕

ប្រភព៖​ Sportskeeda