គេពិតជាអស្ចារ្យ! Evra ថាគ្មាននរណាអាចជំនួស តួសំខាន់ Man United ម្នាក់នេះទេ

February 4, 2023

អង់គ្លេស៖ លោក Patrice Evra បាននិយាយថាគ្មាននរណាអាចជំនួស Christian Eriksen បាននោះឡើយ ព្រោះគេជាកីឡាករអស្ចារ្យទាំងជំនាញនិងតិកនិកនៅលើទីលាន។

Eriksen បានរងរបួសកជើងក្នុងការប្រកួតទល់នឹង Reading ដែលធ្វើឲ្យគេអវត្តមានក្នុងការប្រកួតរហូតដល់ចុងមេសា ឬដើមខែឧសភា ឯណោះ។

ដូច្នេះ Manchester United បានខ្ចីជើងយកខ្សែបម្រើ Marcel Sabitzer ពីក្លិប Bayern Munich រហូតដល់ចប់រដូវកាលដើម្បីជំនួស Eriksen ។

Evra បាននិយាយថា៖

ការរងរបួសរបស់គេពិតជាធ្វើឲ្យ United ពិបាកណាស់ព្រោះនៅពេលខ្ញុំមើល United គឺ កីឡាករទាំងពីរដូចជា Eriksen និង Bruno គឺពិតជាមានភាពច្នៃប្រឌិតណាស់។ វានឹងក្លាយជារឿងពិបាកសម្រាប់ United ជាពិសេសនៅពេលដែលពួកគេចង់គ្រប់គ្រងបាល់។ Eriksen ជាកីឡាករដែលធ្វើឲ្យក្រុមមានគុណភាព ហើយគ្មានកីឡាករណាមានគុណភាពដូចគេទេ។ ខ្ញុំច្បាស់ថា Fernandes នឹងបំពេញចន្លោះខ្វះខាតរបស់Eriksen ប៉ុន្តែពិតណាស់ថាពួកយើងនឹងនឹកគេ។ គ្មាននរណាអាចជំនួសគេបាននោះឡើយ ប៉ុន្តែខ្ញុំគិតថាពួកយើងមានកីឡាករដែលអាចលេងនៅកន្លែងគេបាន។
— លោក Patrice Evra

ប្រភព៖ sportskeeda

ដៃគូរសហការ One Football

អានបន្ថែម