លោកគ្រូ Potter ចេញមុខនិយាយការពារ Felix បែបនេះ រឿងស្លាយ៍បើកបាតទៅលើកីឡាករ Tete យប់មិញទទួលបានកាតក្រហម

January 13, 2023

អង់គ្លេស៖ កីឡាករ Joao Felix ត្រូវបានបណ្ដេញចេញពីទីលាន ត្រឹមពេលតិចជាងមួយម៉ោងក្នុងការបង្ហាញខ្លួនលើកដំបូងឲ្យ Chelsea ក្នុងជំនួបចាញ់ Fulham ២-១ នៅ Premier League កាលពីយប់មិញនេះ ។

Felix បានចុះហត្ថលេខាលើលក្ខខណ្ឌខ្ចីជើងពី Atletico Madrid ក្នុងកិច្ចព្រមព្រៀងតម្លៃ១៥លានផោន ។ គាត់លេងបានល្អខ្លាំងនៅក្នុងតង់ទីមួយ ប៉ុន្តែក៏ទទួលបានកាតក្រហមនៅដើមតង់ទី២ ក្រោយបង្កកំហុសស្លាយ៍បើកបាតត្រូវជើងកីឡាករ Kenny Tete ។

ជាមួយគ្នានេះ ក្រោយបញ្ចប់ការប្រកួត គ្រូបង្វឹកក្រុមតោខៀវ Graham Potter បានចេញមុខនិយាយការពារ Felix ថា៖

នោះជារបៀបទាក់យកបាល់របស់ខ្សែប្រយុទ្ធ។ ខ្ញុំមិនបានចូលអារម្មណ៍អ្វីមួយនោះទេ។ វា(ការស្លាយ៍) មិនអាចគ្រប់គ្រងបាននោះទេ ហើយនោះជាសកម្មភាពបាល់ទាត់ដែលអាចកើតមានឡើង ជាមួយនឹងល្បឿននៃការលេងនៅ Premier League ។ គាត់មិនមានបំណងទៅធ្វើឲ្យអ្នកណាឈឺចាប់ទេ។ គាត់មិនបានបាត់ការគិតទេ។ខណៈពេលនេះ គឺជាពេលវេលាដែលពួកគេត្រូវរៀនសូត្រ។ Joao គឺជាកីឡាករវ័យក្មេង កីឡាករកំពូល ហើយអ្នកឃើញហើយពីគុណសម្បត្តិរបស់គាត់។ គាត់មិនបានប៉ុនប៉ងធ្វើបែបនេះទាំងស្រុងនោះទេ ប៉ុន្តែខ្ញុំក៏យល់ថាហេតុអ្វីទទួលបានកាតក្រហម។ ព្រោះជើងរាងខ្ពស់បន្តិចហើយអាជ្ញាកណ្តាលក៏សម្រេចចិត្តតែម្ដង។
វាពិតជាគួរឱ្យសោកស្ដាយ វាជាការប្រជែងយកបាល់ដ៏មិនគួរឲ្យជឿ ហើយខ្ញុំយល់អារម្មណ៍អ្នកគាំទ្រ។ ខណៈពេលនេះយើនៅតែបន្តទទួលរងការវាយប្រហារ។ គាត់(Felix) ពិតជាល្អណាស់ អ្នកអាចមើលឃើញពីគុណភាពរបស់គាត់នៅក្នុងការប្រកួតហើយ ដូច្នេះការបាត់បង់ Joao បីប្រកួតគឺពិតជាខកចិត្តណាស់។
— Graham Potter

ដៃគូរសហការ One Football

អានបន្ថែម