គ្រូអាណិត! Southgate ថាកូនក្រុមបួនរូបនេះអត់សមអង្គុយកៅអីបម្រុងទេ

July 5, 2021

អង់គ្លេស៖ ជ័យជំនះរបស់ក្រុមជម្រើសជាតិអង់គ្លេស លើអ៊ុយក្រែនធ្វើឲ្យអង់គ្លេសបានឡើងទៅកាន់វគ្គពាក់កណ្ដាលផ្ដាច់ព្រ័ត្រដោយត្រូវជួបនឹងក្រុមជម្រើសជាតិ អ៊ីតាលី ក្នុងព្រឹត្តិការណ៍ Euro 2020 ។

យ៉ាងណាមិញ លោកគ្រូបង្វឹក Gareth Southgate ក៏មិនភ្លេចកោតសរសើរដល់កីឡាករបួនរូបដែលអង្គុយកៅអីបម្រុងក្នុងការប្រកួតនេះ នោះគឺខ្សែការពារ Ben Chilwell, Conor Coady និងអ្នកចាំទី Sam Johnstone ព្រមទាំង Aaron Ramsdale ថាពួកគេនៅតែអាចមានចំណែកជួយឲ្យក្រុមមួយនេះទទួលបានជោគជ័យ។

លោកគ្រូបានថ្លែងប្រាប់ BBC ថា៖

កីឡាករលេងលើទីលានបានអស្ចារ្យណាស់ ប៉ុន្តែខ្ញុំបែរជាគិតដល់កីឡាករដែលអង្គុយកៅអីបម្រុង។ វាស្តាប់ទៅដូចចម្លែកបន្តិចហើយ។ Conor Coady, Ben Chilwell, Sam Johnstone និង Aaron Ramsdale គឺពួកគេបានរួមចំណែកធ្វើឲ្យក្រុមមួយនេះទទួលបានជោគជ័យ។ វាពិតជាពិបាកណាស់ក្នុងការមិនចុចយកពួកគេ។ពួកគេសុទ្ធតែជាកីឡាករល្អ គ្មាននរណាម្នាក់គួរតែអង្គុយកៅអីបម្រុងឡើយ។ ពួកគេលេងបានល្អណាស់ក្នុងម៉ោងហ្វឹកហាត់តែពួកយើងត្រូវធ្វើការសម្រេចចិត្ត។ ខ្ញុំជឿជាក់ថាកីឡាករក្នុងក្រុមទាំងអស់សុទ្ធតែអស្ចារ្យ។
— លោកគ្រូបង្វឹក Gareth Southgate

ប្រភព៖ metro

អានបន្ថែម