បរទេស៖ នាយប់រំលងអាធ្រាត្រឈានចូលថ្ងៃ ច័ន្ទ ទី ១៦ ខែ មករា ឆ្នាំ ២០២២ ក្រុម Real Madrid បានជួបតទល់គ្នាជាមួយ Barcelona នៅក្នុងការប្រកួតវគ្គផ្តាច់ព្រ័ត្តនៃពានរង្វាន់ Supercopa de Espana ដែលរៀបចំឡើងនៅកីឡដ្ឋាន King Fahd Stadium របស់ប្រទេស អារ៉ាប៊ីសាអ៊ូឌីត។
ជាការពិតណាស់ នៅក្នុងជំនួប El Clasico រវាងក្រុមយក្សទាំង ២ របស់ អេស្ប៉ាញកាលពីយប់មិញពិតជាជក់ចិត្តមែនទែន ដោយបញ្ចប់ការប្រកួត ៩០ នាទីពេញ Barcelona បានយកឈ្នះទៅលើ Real Madrid ក្នុងលទ្ធផល ៣ ទល់នឹង ១។
ក្នុងនោះ ៣ គ្រាប់របស់ Barca គឺរកបានដោយ Gavi នៅនាទីទី ៣៣, Robert Lewandowski នៅនាទីទី ៤៥ និង Pedri នៅនាទីទី ៦៩, ចំណែក ១ គ្រាប់របស់ R.Madrid គឺរកបានដោយ Karim Benzema នៅនាទីទី ៩០+៣។
គួរបញ្ជាក់ថា ក្រោយទទួលជ័យជម្នះនេះ Barca បានក្លាយជាម្ចាស់ពាន Supercopa ជាផ្លូវការហើយ ហើយនេះក៏ជាលើកទី ១៤ ផងដែរ ដែលក្លិបមានមូលដ្ឋាននៅតំបន់កាតាឡាន់បានឈ្នះពាននេះ៕
សូមទស្សនាវីដេអូខាងក្រោម៖