សាហា.វហួស! Correa របស់ At Madrid ស៊ុតចូលពីពាក់កណ្តាលតារាងមិនគួរឲ្យជឿ ក្នុងជំនួបស្មើ Villarreal យប់មិញ(មានវីដេអូ)

អេស្ប៉ាញ៖ ខ្សែប្រយុទ្ធក្លិប Atletico Madrid កីឡាករ Angel Correa បានស៊ុតបញ្ចូលទីនូវគ្រាប់បាល់ដ៏អស្ចារ្យក្នុងការប្រកួតទល់នឹង Villarreal នៃក្របខណ្ឌ La Liga កាលពីយប់មិញ។

ជាការពិតណាស់ នៅក្នុងវគ្គទី១ ការប្រកួតចាប់ផ្តើមបានតែ១០នាទីប៉ុណ្ណោះ Correa បានស៊ុតបញ្ចូលទីពីពាក់កណ្តាលតារាង ខណៈ អ្នកចាំទី Geronimo Rulli បានត្រឹមឈរមើលចូលទីប៉ុណ្ណោះ។ យ៉ាងណាក្តី ឈានដល់នាទីទី២៩ ខ្សែការពារ Pau Torres ក៏បានរកគ្រាប់បាល់វាយបកតាមស្មើឲ្យក្រុមម្ចាស់ផ្ទះវិញមុនបញ្ចប់វគ្គទី១។

លុះឈានចូលដល់វគ្គទី២ Alberto Moreno ក៏បានស៊ុតបញ្ចូលទីបើកការនាំមុខវិញឲ្យ Villarreal ក្នុងនាទីទី៥៨ តាមរយៈការបញ្ចូនបានយ៉ាងល្អពីសំណាក់ Gerard Moreno។ យ៉ាងណាក្តី ភាពសប្បាយរីករាយនោះកើតឡើងបានតែ៩នាទីប៉ុណ្ណោះ បន្ទាប់ពី Geoffrey Kondogbia អាចរកគ្រាប់បាល់តាមស្មើមកវិញ និង ជាគ្រាប់ចុងក្រោយប្រចាំការប្រកួត ធ្វើឲ្យបញ្ចប់ការប្រកួត ក្រុមទាំងពីរបញ្ចប់នៅក្នុងលទ្ធផលស្មើគ្នា ២ទល់នឹង២៕