អីយ៉ាស់! តារាឆ្នើមប្រចាំ Liverpool រូបនេះមានក្ដីស្រមៃចង់ផ្លាស់ទៅ Barca នៅរដូវក្ដៅខាងមុខ

អង់គ្លេស៖ ខ្សែប្រយុទ្ធ Sadio Mane មានក្ដីស្រមៃចង់ផ្លាស់ទៅលេងនៅ ក្លិបអ្នកមានបុណ្យ Barcelona នៅរដូវក្ដៅខាងមុខនេះ។

កុងត្រារបស់ Mane នឹងអស់សុពុលភាពជាមួយ Liverpool នៅរដូវក្ដៅឆ្នាំក្រោយនេះហើយ។

ក្នុងករណីដែលកីឡាករសញ្ជាតិសេនេកាល់រូបនេះ មិនបន្តកុងត្រាថ្មីនោះ ភាគីលោក Jurgen Klopp នឹងបើកផ្លូវឲ្យគេចាកចេញដោយគ្មានតម្លៃខ្លួន។

សារព័ត៌មាន Mundo Deportivo បានចុះផ្សាយថា Mane ចង់ផ្លាស់ទៅ Barcelona ខ្លាំងណាស់ហើយភាគីលោក Xavi Hernandez នឹងដាក់សំណើយកគេមករួមក្រុមនៅរដូវក្ដៅឆ្នាំនេះផងដែរព្រោះ Liverpool ទំនងជាមិនចង់ទុកកីឡាករដែលមានវ័យ៣០ឆ្នាំឡើយ គឺភាគច្រើនក្លិបចង់រក្សាទុកតែកីឡាករក្មេងៗ៕

ប្រភព៖​ caughtoffside