បារាំង៖ យោងតាម La Repubblica គឺ ក្លិប Paris Saint-Germain គ្រោងនឹងផ្ដល់ប្រាក់ឈ្នួល១២លានអឺរ៉ូ(ស្មើនឹងប្រមាណ១៣ លានដុល្លារ) ក្នុងមួយឆ្នាំដល់ ខ្សែការពារ Milan Skriniar បើសិនរូបគេព្រមចាកចេញពី Inter Milan ។
មានពាក្យចចាមអារ៉ាមថា កីឡាករសញ្ជាតិស្លូវ៉ានីរូបនេះត្រៀមចែកផ្លូវជាមួយ Inter Milan ហើយ ខណៈដែលកុងត្រារបស់គេនឹងអស់សុពុលភាពនៅចប់រដូវកាលនេះ។
យ៉ាងណាមិញ PSG ត្រូវបានគេជឿថាមានភាគរយខ្ពស់ក្នុងការចុះកុងត្រាយកខ្សែការពាររូបនេះ តែក្លិបមិនចង់ចំណាយប្រាក់ទិញ Skriniar ពី Inter Milan ទេគឺត្រូវរង់ចាំរហូតដល់គេអស់កុងត្រាជាមួយ Inter សិន។
សារព័ត៌មាន Sportmediaset ក៏បានផ្សាយដែរថា Inter Milan ទំនងជាមិនបន្តកុងត្រាថ្មីដល់ Milan Skriniar នោះឡើយ៕
ប្រភព៖ sportskeeda