អុញនោះ! ជើងឯកលេងអុក Carlsen ថា R.Madrid បង្ខំឲ្យលោកនិយាយថា Ronaldo ល្អជាង Messi

August 30, 2022

អឺរ៉ុប៖ ជើងឯកលេងអុក Magnus Carlsen ដែលត្រូវបានគេស្គាល់ថាជាអ្នកគាំទ្រដ៏ងប់ងល់របស់ក្រុម Real Madrid បាននិយាយថាក្លិប Real Madrid បានបង្ខំឲ្យលោកនិយាយថា Cristiano Ronaldo គឺល្អជាង Lionel Messi ។

ខ្សែប្រយុទ្ធ Cristiano Ronaldo និង Lionel Messi

ពិតណាស់ Ronaldo ជាវីរបុរសឆ្នើមម្នាក់របស់ Real Madrid ដោយគេគ្រងតំណែងជាកីឡាករស៊ុតបញ្ចូលបានច្រើនគ្រាប់បំផុតឲ្យក្លិប ហើយកំលុងពេលស្នាក់នៅទឹកដី Santiago Bernabeu គឺគេបានឈ្នះពាន Ballon d'Or ៤ និង Champions League ៤ដងផងដែរ ហើយជារឿយៗគេតែងតែបានឮ ការប្រៀបធៀប Ronaldo ទៅនឹង Messi ដែលជាវីរបុរសរបស់ Barcelona ដោយអ្នកទាំងពីរធ្លាប់ធ្វើព្យុះភ្លៀងនៅការប្រកួត El Clasico ដែលទាក់ទាញអ្នកទស្សនាបាល់ទាត់យ៉ាងច្រើនកុះករ។

យ៉ាងណាមិញ លោក Carlsen ដែលជាជើងឯកល្បែងអុក៥សម័យ ដែលមាន IQ ដល់ទៅ១៩០ បានសារភាពថាលោកគិតថា Messi គឺល្អជាង Ronaldo ទៅវិញទេ។

លោកបាននិយាយថា៖

ខ្ញុំគិតថាវាពិបាកណាស់សម្រាប់អ្នកផ្សេងក្នុងការយកឈ្នះ Messi។ ខ្ញុំតែងតែចូលចិត្ត Ronaldo តែខ្ញុំគិតថា Messi គឺល្អជាងគេ។ ខ្ញុំបានទៅទស្សនាការប្រកួតរបស់ Madrid មួយចំនួនដែរហើយពួកគេតែងតែបានជួយជ្រោមជ្រែងខ្ញុំ។ អ្វីតែម្យ៉ាងគត់ដែលពួកគេធ្វើគឺពេលផ្ដល់កិច្ចសម្ភាសន៍ ហើយពួកគេនឹងសួរខ្ញុំថាកីឡាករដែលខ្ញុំចូលចិត្តគឺជានរណា។ខ្ញុំឆ្លើយឈ្មោះអ្នកផ្សេង(ក្រៅពី Ronaldo) ។ ខ្ញុំគិតថាខ្ញុំនឹងឆ្លើយថា Isco ហើយពួកគេបាននិយាយថា អូខេ!ឆ្លើយឈ្មោះពីរនាក់ទៅ ឥលូវអ្នកត្រូវថែម Ronaldo មួយទៀត។ ដូច្នេះសម្រាប់ពួកគេគឺវាពិតជាសំខាន់ ប៉ុន្តែវាសំខាន់ណាស់ណាទេសម្រាប់ខ្ញុំ។
— លោក Magnus Carlsen

ប្រភព៖ sportskeeda

ដៃគូរសហការ One Football

អានបន្ថែម