Man United ចង់ទាក់ទងយកតារាឆ្នើម Juventus ម្នាក់នេះមកជំនួស Ronaldo

អង់គ្លេស៖ យោងតាមសារព័ត៌មាន Corriere dello Sport បានចុះផ្សាយថា ក្លិប Manchester United ត្រូវបានគេរាយការណ៍ថាចង់យកខ្សែប្រយុទ្ធ Dusan Vlahovic មកជំនួស Cristiano Ronaldo នៅខែមករាខាងមុខ។

​Vlahovic ទើបតែផ្ទេរពី Fiorentina មកកាន់ Juventus ១ឆ្នាំមុន និងអាចនឹងមានភាគរយចាកចេញពីទឹកដីក្រុង Turin ក្រោយភាគីលោក Erik Ten Hag ចាប់អារម្មណ៍លើគេ។

​តាំងពីផ្ទេរមក Juventus មក កីឡាករសញ្ជាតិស៊ែប៊ីរូបនេះរកបាន ១៦គ្រាប់ និងបញ្ជូនបាល់៤គ្រាប់ ក្នុងការបង្ហាញខ្លួន៣៦ប្រកួត។​

យ៉ាងណាមិញ ក្រៅពី Man UTD គឺក្លិបដូចជា Arsenal, Chelsea, Bayern Munich និង PSG សុទ្ធតែចាប់អារម្មណ៍លើគេទាំងអស់៕

ប្រភព៖​ metro