Real Madrid កំពុងចាប់អារម្មណ៍ចង់ទិញយក ខ្សែប្រយុទ្ធជម្រើសជាតិអង់គ្លេស​រូបនេះ

អេស្ប៉ាញ៖ Real Madrid ត្រូវបានសារព័ត៌មាន Defense Central បានចុះផ្សាយថា ចាប់អារម្មណ៍ចង់ទិញយក ខ្សែប្រយុទ្ធ Tammy Abraham ពីក្លិប Roma និងក្រុមជម្រើសជាតិអង់គ្លេស នៅចប់រដូវកាលនេះ។

Abraham បានផ្ទេរពី Chelsea មកកាន់ Roma កាលពីរដូវក្ដៅឆ្នាំមុន ប៉ុន្តែគេបានក្លាយជាកីឡាករស្នូលមួយរូបដែលបានជួយឲ្យភាគីលោក Jose Mourinho លើកពាន UEFA Europa Conference League ផងដែរ។

​Abraham ក៏រកបាន៣២គ្រាប់ និងបញ្ជូនបាល់៧គ្រាប់ ក្នុងការបង្ហាញខ្លួន៧៥ប្រកួតឲ្យក្លិបផងដែរ ដែលធ្វើឲ្យ ភាគីលោក Carlo Ancelotti ទាក់ភ្នែកនឹងសមត្ថភាពគេ។​

Real Madrid ចង់យក Tammy Abraham មកជំនួស Karim Benzema ដែលចូលវ័យជ្រេទៅហើយខណៈដែល កីឡាករផ្សេងទៀតដូចជា Endrick ក៏មកចូលរួមជាមួយក្លិបនៅឆ្នាំ២០២៤ឯណោះ។

​គួរបញ្ជាក់ផងដែរថា Tammy Abraham នៅសល់កុងត្រាជាមួយ Roma រហូតដល់ឆ្នាំ២០២៦ ស្របពេលនៅរដូវកាលនេះគេរកបាន៥គ្រាប់ ក្នុងការបង្ហាញខ្លួន២២ប្រកួត៕

ប្រភព៖​ sportskeeda