អឺរ៉ុប៖ ពិតណាស់ អតីតខ្សែប្រយុទ្ធក្លិបManchesterCity កីឡាករ Sergio Aguero បានចុះកុងត្រារយៈពេល២ឆ្នាំជាមួយក្លិប Barcelona កាលពីចុងខែឧសភា ហើយសង្ឃឹមថានឹងបានរួមគ្នាលេងជាមួយMessi ដែលត្រូវជាមិត្ដភក្ដិ។<figure style="text-align:center"><img src="https://cms.dmpcdn.com/article/2021/09/07/5dc99d00-0f7f-11ec-bd83-0b5f6b65ff00_original.jpg" alt="Aguero និង Messi&amp;nbsp;" style="width:100%"/><figcaption>Aguero និង Messi&nbsp;</figcaption></figure>តែយ៉ាងណាមិញ ក្ដីសង្ឃឹមនោះត្រូវបានរលាយបន្ទាប់ពីប៉ុន្មានសប្ដាហ៍ក្រោយមក Messi បានសម្រេចចាកចេញទៅចូលរួមជាមួយក្លិបបារាំងPSG ដោយសារតែក្លិប Barca មិនអាចបន្ដកិច្ចសន្យាថ្មីបាន។ការចាកចេញរបស់ Messi មានន័យថាអាវលេខ១០នឹងទំនេរ ហើយបើទោះជាមានអ្នកជំរុញឲ្យ Aguero ទទួលយកវាក៏ដោយ ប៉ុន្ដែអតីតម្ចាស់អាវលេខ១០កាលនៅក្លិប Man City រូបនេះ សម្រេចមិនទទួលយកឡើយ ដោយបានជ្រើសយកអាវលេខ១៩ជំនួសវិញ។<figure style="text-align:center"><img src="https://cms.dmpcdn.com/article/2021/09/07/5e5a6b50-0f7f-11ec-bd00-4f19f31ec30c_original.jpg" alt="Aguero&amp;nbsp;" style="width:100%"/><figcaption>Aguero&nbsp;</figcaption></figure>ខ្សែប្រយុទ្ធវ័យ ៣៣ឆ្នាំរូបនេះបានពន្យល់មូលហេតុ ដែលមិនទទួលយកលេខអាវមិត្ដភក្ដិរបស់គាត់ យ៉ាងដូច្នេះថា៖<blockquote><aside>វាមិនមែនជាអ្វីដែលខ្ញុំមិនចង់បាននោះទេប៉ុន្ដែវាជាការគោរពចំពោះ Messi ។</aside><label>— Aguero&nbsp;</label></blockquote>គួរបញ្ជាក់ថា​ បច្ចុប្បន្ននេះអាវលេខ១០រកបានម្ចាស់ថ្មីហើយ ដោយក្លិបយក្សរបស់អេស្ប៉ាញមួយនេះ បានប្រគល់វាឲ្យទៅខ្សែប្រយុទ្ធវ័យក្មេងAnsuFati ៕ប្រភព៖​ <a href="https://metro.co.uk/2021/09/06/barcelonas-aguero-explains-why-he-rejected-lionel-messis-no-10-shirt-15215002/">metro</a>

សមហេតុផលណាស់! Aguero ពន្យល់មូលហេតុដែលមិនពាក់អាវលេខ១០ នៅ Barca