Atletico យល់ព្រមសំណើ​លក់ Saul Niguez ទៅឲ្យក្លិប​យក្ស​នៅអាឡឺម៉ង់​ក្នុងតម្លៃក្បែរ ១០០​លានដុល្លារ

តាមសេចក្តីរាយការណ៍បាន ឲ្យដឹង ថាក្រុមខ្លាំង Bayern Munich បានឈ្នះការប្រជែងក្នុងការចុះហត្ថលេខាលើខ្សែ​បម្រើ​ឆ្នើម​សញ្ជាតិអេស្ប៉ាញ Saul Niguez របស់ក្លិប Atletico Madrid ។

កីឡាករវ័យ ២៦ ឆ្នាំរូបនេះមានការលំបាកក្នុងការបង្ហាញទម្រង់លេងល្អបំផុតរបស់គាត់សម្រាប់ក្រុម Atletico អំឡុងរដូវកាលឆ្នាំ ២០២០-២១ ប៉ុន្តែជាកីឡាករសំខាន់សម្រាប់ក្រុមម្ចាស់ជើងឯកអេស្ប៉ាញដោយបង្ហាញខ្លួន ៤១ ដងក្នុងគ្រប់ការប្រកួត។

ថ្មីៗនេះក្រុមបិសាចក្រហម Manchester United និងហង្សក្រហម Liverpool ត្រូវបានគេកោតសរសើរចំពោះ​ចំណាប់​អារម្មណ៍របស់ខ្សែបម្រើរូបនេះចំពេលមានការលើកឡើងថាក្រុមរបស់លោក Diego Simeone កំពុងតែបើក​ចំហ​ក្នុងការលក់អំឡុងពេលទីផ្សារដោះដូរកីឡាកររដូវក្តៅនេះ។

យ៉ាងណាមិញបើយោងទៅតាមប្រភពពីកាសែត Marca បានអោយដឹងថាក្រុមខ្លាំង Bayern ដុតដៃដុតជើងក្នុង​ការ​ដណ្តើមយកខ្សែបម្រើឆ្នើមរូបនេះ ដោយបានព្រមព្រៀងលើកិច្ចសន្យាក្នុងតំលៃ ៦៨ លានផោនជាមួយ Atletico ។

ប្រភពដដែលបានអះអាងថា Atletico មានទំនុកចិត្តថាកិច្ចព្រមព្រៀងនេះនឹងត្រូវឆ្លងកាត់ក្នុងរយៈពេលប៉ុន្មាន​សប្តាហ៍ខាងមុខនេះ ហើយបានក្រុមរបស់លោក Simeone ក៏បានសម្លឹងទុករួចហើយផងដែរអំពីកីឡាករដែលនឹង​ត្រូវមក​ជំនួសកន្លែង Saul Niguez ៕