មិនទាន់បានជួបគ្នាផង តារាឆ្នើម Man UTD រូបនេះ សរសើរ Ronaldo ពេញៗមាត់ថា...

September 2, 2021

អឺរ៉ុប៖ ពិតណាស់ CristianoRonaldo បានត្រលប់ទៅ Manchester United សាជាថ្មីជាក្លិបដែលគាត់បានចំណាយពេល ៦ឆ្នាំ និងស៊ុតបញ្ចូលទីបាន១១៨គ្រាប់ ក្នុងការបង្ហាញខ្លួន២៩២លើក ហើយបានជួយក្លិបឈ្នះពានធំៗចំនួន ៨គ្រឿងផងដែរ។

ម្ចាស់ពាន Ballond’Or ៥ សម័យរូបនេះ គ្រោងនឹងបង្ហាញខ្លួនសាជាថ្មីឲ្យក្រុមបិសាចក្រហម នាថ្ងៃទី១១ខែកញ្ញា ដែលជាការប្រកួតទល់នឹងក្រុម Newcastle ហើយប្រធានក្រុម Harry Maguire មិនអាចរង់ចាំក្នុងការលេងជាមួយ Ronaldo បានឡើយ។

Maguire បាននិយាយនៅក្នុងសន្និសីទសារព័ត៌មានមួយកាលពីថ្ងៃពុធថា៖

ពិតជាអស្ចារ្យណាស់ ដែលគាត់បានត្រលប់មកវិញ ហើយខ្ញុំជឿជាក់ថាគាត់នឹងមានឥទ្ធិពលខ្លាំងទាំងក្នុង និងក្រៅទីលាន។ កីឡាករជាច្រើនអាចរៀនសូត្រ និងអភិវឌ្ឍន៍ខ្លួន ហើយបន្ទាប់មកវានឹងធ្វើឲ្យក្រុមរបស់យើងកាន់តែប្រសើរឡើងជាមួយនឹងកំណត់ត្រាគ្រាប់បាល់ស៊ុតបញ្ចូលទី ដូច្នេះវាពិតជាអស្ចារ្យណាស់ដែលមានគាត់នៅក្នុងក្លិប។ខ្ញុំទន្ទឹងរង់ចាំជួបគាត់នៅពីរបីថ្ងៃខាងមុខ៕
— Maguire

ប្រភព៖ besoccer

អានបន្ថែម