ហេតុតែជាហ្វេន! កីឡាករ Chelsea រូបនេះធ្លាប់ប្រាប់ឲ្យ Kovacic ទៅសុំអាវរបស់ Modric

June 12, 2021

អង់គ្លេស៖ ខ្សែបម្រើ Mason Mount បានបង្ហើបឲ្យដឹងថាគេធំធាត់ឡើងដោយកោតសរសើរខ្សែបម្រើ Luka Modric នៃក្លិបអធិរាជសReal Madrid ណាស់ មុនពេលត្រូវតទល់ជាមួយ Modric ក្នុងការប្រកួតរវាងក្រុមជម្រើសជាតិអង់គ្លេស ទល់នឹង ក្រូអាតនៅថ្ងៃទីអាទិត្យទី១៣ មិថុនា នេះ។

ដូច្នេះហើយទើបកីឡាករវ័យ២២ឆ្នាំរូបនេះបាននិយាយថាគេបានប្រាប់ឲ្យមិត្តរួមក្រុមគឺខ្សែបម្រើ Mateo Kovacic ដែលលេងនៅក្រុមជម្រើសជាតិក្រូអាតជាមួយ Modric ឲ្យទៅសុំអាវពីខ្សែបម្រើ Luka Modric ដើម្បីទុកជាអនុស្សាវរីយ៍ក្រោយការប្រកួតរវាង Chelsea និង Real Madrid នៅព្រឹត្តិការណ៍ Champions League វគ្គពាក់កណ្ដាលផ្ដាច់ព្រ័ត្រទៀតផង។

Mason Mount បានថ្លែងថា៖

ខ្ញុំបានយកវា (អាវរបស់ Modric) មកផ្ទះជាមួយអាវអ្នកផ្សេងទៀត វាពិតជាល្អណាស់ដែលខ្ញុំបានរក្សាទុកអាវអស់ទាំងនោះ។ ខ្ញុំធ្លាប់បាននិយាយជាមួយ Kovacic មុនការប្រកួតជើងទី១ចាប់ផ្ដើម ដើម្បីឲ្យគេជួយសុំអាវរបស់ Modric ។ បន្ទាប់មកក្នុងការប្រកួតជើងទី២គឺ Modric បានសុំអាវខ្ញុំវិញព្រោះនៅក្នុងការប្រកួតជើងទី១ ខ្ញុំមិនបានឲ្យអាវទៅអ្នកណាទេ។ Kova និយាយថា Modric ចូលចិត្តប្ដូរអាវជាមួយកីឡាករ ដូច្នេះទើបគេចង់បានរបស់ខ្ញុំដែរ ហើយគេបានផ្តាំផ្ញើឲ្យខ្ញុំសំណាងល្អក្នុងការប្រកួតបន្ទាប់។ វាពិតជាអស្ចារ្យណាស់សម្រាប់ខ្ញុំដែលមានឱកាសបាននិយាយជាមួយគេហើយគេចង់បានអាវរបស់ខ្ញុំ។ Modric ជាកីឡាករដែលខ្ញុំតែងតែកោតសរសើរ គឺតាំងពីគេលេងនៅ Premier League ជាមួយ Totteham ម៉្លេះ។ ការលេងតទល់នឹងគេមានអារម្មណ៍ថាចម្លែកណាស់ ព្រោះខ្ញុំកោតសរសើរគេនិងតាមដានការប្រកួតរបស់គេ។ ខ្ញុំដឹងថាគេចូលចិត្តលេងក្បួនបែបណា។
— ខ្សែបម្រើ Mason Mount

ក្រៅពីនោះ Mount ក៏បានបង្ហើបដែរថា គេក៏កោតសរសើរខ្សែបម្រើ Andre Iniesta ដែលជាអតីតកីឡាកររបស់ Barcelona ផងដែរ៕

ខ្សែបម្រើ Andre Iniesta កាលនៅ Barcelona — ខ្សែបម្រើ Andre Iniesta កាលនៅ Barcelona

ប្រភព៖ goal

អានបន្ថែម