មុនដំបូងថាចាកចេញ! កីឡាករ Man UTD រូបនេះចង់បន្តកុងត្រាថ្មីវិញក្រោយលេចឮថា Ten Hag ចង់និយាយជាមួយ

អង់គ្លេស៖ ខ្សែបម្រើ Jesse Lingard កំពុងពិចារណាបន្តកុងត្រាថ្មីជាមួយក្លិបបិសាចក្រហម Manchester United បន្ទាប់ពីលោក Erik Ten Hag បានជូនដំណឹងមកគេថាលោកចង់និយាយជាមួយគេ។​

កុងត្រារបស់កីឡាករសញ្ជាតិអង់គ្លេសរូបនេះនឹងអស់សុពុលភាពនៅដំណាច់រដូវកាលនេះហើយ ដោយសារព័ត៌មានជាច្រើនបានចុះផ្សាយថា Lingard ត្រៀមនឹងស្វែងរកក្លិបថ្មីផងដែរ។​

សារព័ត៌មាន The Sun បានចុះផ្សាយថា ឥលូវនេះ Lingard មានអារម្មណ៍ថាស្ទាយ៍នៃការលេងរបស់លោក Ten Hag ​ អាចស័ក្តិសមនឹងរូបគេ។​ ម្យ៉ាងទៀត នៅរដូវកាលក្រោយខ្សែបម្រើក្នុងផ្សេងទៀតដូចជា Nemanja Matic,Paul Pogba និង Juan Mata នឹងចាកចេញពីក្លិបដែលអាចផ្ដល់ឱកាសឲ្យ Lingard បានចូលលេងកាន់តែច្រើន។​

គួរបញ្ជាក់ផងដែរថា នៅរដូវកាលនេះ Jesse Lingard ចូលលេងឲ្យ Man UTD បាន ១០ ប្រកួត និងស៊ុតបញ្ចូលទីបាន​២គ្រាប់៕

ប្រភព៖​ metro