ផ្លូវការ! អបអរសាទរ កីឡាកររូបនេះ ឈ្នះពានកីឡាករល្អជាងគេប្រចាំឆ្នាំរបស់ UEFA

អឺរ៉ុប៖ ខ្សែប្រយុទ្ធក្លិប Real Madrid កីឡាករ Karim Benzema បានឈ្នះពានរង្វាន់កីឡាករល្អជាងគេប្រចាំឆ្នាំរបស់ UEFA កាលពីយប់មិញ។

ជាការពិតណាស់ ក្នុងវ័យ ៣៤ឆ្នាំ Benzema កាលពីរដូវកាលមុនគេទទួលបានជោគជ័យខ្លាំងមែនទែន ដោយ រូបគេបានជួយ Real Madrid ឈ្នះពានធំៗចំនួនពីរដូចជា La Liga និង Champions League ជាពិសេស រូបគេបានក្លាយជាអ្នកទាត់បញ្ចូលទីច្រើនជាងគេនៅក្នុងព្រឹត្តិការណ៍ធំៗទាំងពីរខាងលើទៀតផង ខណៈ ថ្មីៗនេះរូបគេក៏ទើបតែនឹងបានរួមចំណែកជួយក្រុមឈ្នះពានរង្វាន់ UEFA Super Cup ផងដែរ។ សមិទ្ធផលទាំងអស់នេះហើយ បានធ្វើឲ្យគេអាចក្រសោបបាននូវពានរង្វាន់កីឡាករល្អជាងគេប្រចាំឆ្នាំរបស់ UEFA ហើយ រូបគេក៏ត្រូវបានគេរំពឹងថានឹងឈ្នះពានរង្វាន់ Ballon d'Or ផងដែរក្នុងឆ្នាំនេះ។

គួរបញ្ជាក់ផងដែរថា ក្រៅពី Benzema ដែលបានឈ្នះពានកីឡាករល្អ គឺ លោក Carlo Ancelotti ក៏បានឈ្នះពានគ្រូបង្វឹកល្អជាងគេប្រចាំឆ្នាំផងដែរ៕