យល់ច្បាស់ហើយថា ហេតុអ្វីបានព្រះអង្គម្ចាស់កាតា បំពាក់ស្បៃគ្របពណ៌ខ្មៅឲ្យ Messi ពេលទទួលពានបាល់ទាត់ពិភពលោក

កាតា៖ ជារឿងគួរឲ្យរំភើបណាស់ដែល ខ្សែប្រយុទ្ធ Lionel Messi បានរួមចំណែកជួយ ក្រុមជម្រើសជាតិ អាហ្សង់ទីន ឲ្យឈ្នះពានបាល់ទាត់ពិភពលោកឆ្នាំ២០២២ បន្ទាប់ពីយកឈ្នះ ក្រុមការពារតំណែងជើងឯក បារាំង រួចមក។​

កាលពីយប់ថ្ងៃទី១៩ខែធ្នូកន្លងទៅ Messi បានស៊ុតបញ្ចូលទី២គ្រាប់នៅម៉ោងប្រកួត ហើយ Angel Di Maria ស៊ុត១គ្រា​ប់ដែរ ខណៈដែល ខាងបារាំងវិញគឺ Kylian Mbappe ស៊ុត Hat-Trick ឲ្យបារាំង ដែលធ្វើឲ្យក្រុមទាំងពីរលេងស្មើគ្នា ៣ ទល់នឹង ៣ នៅម៉ោងប្រកួតផ្លូវការ។​

ការប្រកួតមកដល់វគ្គបាល់កាត់សេចក្ដី១១ម៉ែត្រ ដោយនៅទីបំផុត អាហ្សង់ទីន បានយកឈ្នះ បារាំង ៤ ទល់នឹង ២ ដែលធ្វើឲ្យក្រុមនេះលើកពានបាល់ទាត់ពិភពលោកជាលើកទី៣ក្នុងប្រវត្តិសាស្ត្រ។​

យ៉ាងណាមិញ ក្នុងពិធីទទួលពានបាល់ទាត់ពិភពលោក ព្រះអង្គម្ចាស់ Tamim bin Hamad Al Thani នៃប្រទេសកាតា បានយាងអញ្ជើញជាអធិបតីភាពក្នុងកម្មវិធីទទួលពាននេះ ដោយបានជូនពានបាល់ទាត់ពិភពលោកទៅកាន់ Lionel Messi ។

​ក្នុងនោះ ទ្រង់ក៏បានបំពាក់ស្បៃគ្របវែងពណ៌ខ្មៅ ដែលគេឲ្យឈ្មោះថា "Bisht" ជាក្រណាត់គ្របសម្រាប់តែ ស្ដេច និងអ្នកដឹកនាំ នៃប្រទេសនៅតំបន់អារ៉ាប់ប៉ុណ្ណោះ។​

ដូច្នេះហើយ ព្រះអង្គទ្រង់ចង់បង្ហាញការគោរពនិងកោតសរសើរ Messi និង អាហ្សង់ទីន ដែលសម្រេចបានសមិទ្ធផលដ៏អស្ចារ្យនេះ៕

ប្រភព៖​ sportskeeda