គ្រូព្រមានហើយ! Southgate ផ្ដាំទៅកីឡាករ Man UTD ពីររូបនេះថាពួកគេនឹងបាត់បង់តំណែងចូលលេងនៅ World Cup បើមិនខំប្រឹង

June 13, 2022

អង់គ្លេស៖ លោក Gareth Southgate ជាគ្រូបង្វឹករបស់ក្រុមតោកំណាចអង់គ្លេស បានធ្វើការព្រមានទៅកីឡាករដូចជា Marcus Rashford និង Jadon Sancho នៃក្លិប Manchester United ថាពួកគេត្រូវពិសោធន៍ខ្លួនបង្ហាញសមត្ថភាពឲ្យលោកបានឃើញឲ្យបានច្រើន បើសិនចង់មានឈ្មោះទៅលេងនៅព្រឹត្តិការណ៍ បាល់ទាត់ពិភពលោក ឆ្នាំ២០២២ ដែលធ្វើឡើងនាខែវិច្ឆិកា នៅប្រទេសកាតា។

ខ្សែប្រយុទ្ធ Marcus Rashford និង Jadon Sancho

ក្រុមជម្រើសជាតិអង់គ្លេសនៅសល់បីប្រកួតទៀតទម្រាំដល់ព្រឹត្តិការណ៍កីឡាដ៏ធំសម្បើមមួយនេះ គឺប្រកួតទល់នឹង ហុងគ្រី នាថ្ងៃទី១៥ខែមិថុនា និងពីរប្រទេសទៀតនៅ Nations League កំលុងខែកញ្ញា។

បើនិយាយពីការជ្រើសរើសកីឡាករវិញគឺ លោក Southgate បានដក Marcus Rashford និង Jadon Sancho ចេញដោយកីឡាករ Man United តែម្នាក់គត់ដែលមានឈ្មោះលេងពេលនេះគឺមានតែ Harry Maguire ម្នាក់គត់ខណៈ Luke Shaw ពុំអាចចូលលេងបានដោយសារទើបតែវះកាត់។

ខ្សែប្រយុទ្ធ Jadon Sancho និង Marcus Rashford

លោក Gareth Southgate បាននិយាយទាក់ទងនឹង Rashford ជាមួយ Sancho ថា៖

ពួកគេត្រូវពិសោធន៍ខ្លួននិងធ្វើអីច្រើនយ៉ាងទៀតទើបអាចចូលលេងក្នុងក្រុមវិញបាន។ ខ្ញុំសង្ឃឹមថាកីឡាករនឹងមិនជួបបញ្ហារបួសច្រើនពេកនិងសង្ឃឹមថាពួកគេនឹងដុសខាត់ខ្លួនឯងឲ្យមុតស្រួចជាងមុន។ កីឡាករខ្លះលេងបានល្អខ្លាំងបំផុតនៅពេលពួកគេមានចង្វាក់នៃការលេង ហើយបើសិនអ្នកនិយាយជាមួយកីឡាករខ្លះក្នុងក្រុមគឺពួកគេតែងចង់ចូលលេងគ្រប់ការប្រកួតព្រោះនោះជាអ្វីដែលពួកគេមានអារម្មណ៍ថាពួកគេអាចត្រឡប់មកលេងល្អឡើងវិញបាន។ កីឡាករខ្លួត្រូវការពេលសម្រាករាងយូរជាងធម្មតា ពីចន្លោះការប្រកួតមួយទៅមួយទើបអាចលេងល្អឡើងវិញបាន។
— លោក Gareth Southgate

Marcus Rashford ពុំបានចូលលេងឲ្យជម្រើសជាតិអង់គ្លេសតាំងពីស៊ុតបាល់ប៉េណាល់ទីបរាជ័យក្នុងជំនួបវគ្គផ្ដាច់ព្រ័ត្រទល់នឹងអ៊ីតាលីនៅព្រឹត្តិការណ៍ Euro 2020 ខណៈ Jadon Sancho បាត់បង់តំណែងពេលគេផ្លាស់មក Man United ៕

ប្រភព៖ metro

ដៃគូរសហការ One Football

អានបន្ថែម