ចប់ហើយ! គិតមកត្រឹមពេលនេះមាន កីឡាករ Barca ចំនួន១០នាក់ហើយ ដែលឆ្លងកូវីដ១៩

អេស្ប៉ាញ៖ ពិតណាស់ នៅខែធ្នូដំណាច់ឆ្នាំ២០២១នេះ យើងឃើញថាករណីជំងឺកូវីដ១៩មានផ្ទុះឡើងសាជាថ្មីក្នុងពិភពបាល់ទាត់ដោយក្លិបធំៗនៅអង់គ្លេស សុទ្ធតែមានកីឡាករធ្វើតេស្តវិជ្ជមានវីរុសកូវីដ១៩ ប៉ុន្តែឥលូវនេះជំងឺនេះបានរាលដាលឆ្លងដល់អេស្ប៉ាញហើយ។

ក្នុងនោះដែរ ក្លិប Barcelona បានប្រកាសជាផ្លូវការថាកីឡាករដែលកំពុងផ្ទុកជំងឺកូវីដ១៩ ក្នុងខ្លួនមានសរុបទាំងអស់១០នាក់គឺ Dani Alves, Clement Lenglet, Jordi Alba,Alejandro Balde,Ousmane Dembele, Samuel Umtiti និង Gavi ខណៈដែល Philippe Coutinho, Sergino Dest និង Abde ត្រូវបានគេរកឃើញថាបានឆ្លងកូវីដ១៩នាថ្ងៃនេះផងដែរ។

ដូច្នេះ លោកគ្រូបង្វឹក Xavi Hernandez អាចនឹងមនការលំបាកក្នុងការជ្រើសរើសកីឡាករចូលលេងព្រោះកីឡាករផ្សេងទៀតដូចជា Ansu Fati, Pedri,Memphis Depay និង Sergio Roberto សុទ្ធតែរបួសហើយ Sergio Busquets ជាប់បំរាមផងដែរ៕

ប្រភព៖​ marca