ក្រោយរបូត Gakpo លោក Ten Hag ចង់ឲ្យ Man UTD ជះលុយ ១០០លាន ទិញតារាឆ្នើមព័រទុយហ្គាល់រូបនេះ

អង់គ្លេស៖ អ្នកចាត់ការទូទៅក្លិប Manchester United លោក Erik ten Hag ត្រូវបានគេរាយការណ៍ថា បានតឿនថ្នាក់លើរបស់ក្លិប ឲ្យបញ្ចេញកញ្ចប់ថវិការ ១០០លានផោន ដើម្បីទិញយកខ្សែប្រយុទ្ធ Goncalo Ramos។

ជាការពិតណាស់​ លោក Ten Hag តែងតែមានផែនការក្នុងការនាំយកខ្សែប្រយុទ្ធម្នាក់មករួមក្រុមនៅក្នុងខែមករាខាងមុខនេះ ហើយ គោលដៅទីមួយរបស់លោក គឺ Cody Gakpo ដែលបានសម្រេចចិត្តជ្រើសយក Liverpool ទៅវិញ ដែលជាហេតុធ្វើឲ្យលោកត្រូវប្តូរទិសដៅចង់បាន Ramos វិញ។

បើយោងទៅតាមការចុះផ្សាយរបស់ The Mirror បានលើកឡើងថា លោក Ten Hag ពិតជាចង់បាន Ramos មករួមក្រុមខ្លាំងមែនទែន ខណៈ តារាឆ្នើមរបស់​ Benfica និង ក្រុមជម្រើសជាតិព័រទុយហ្គាល់ខាងលើ មានតម្លៃខ្លួនផ្តាច់កុងត្រារហូតដល់ទៅ ១០០លានផោន (ឬប្រមាណ ១២០លានដុល្លារ)៕

ប្រភព៖​ metro