ថែមលុយឲ្យទៀត! Chelsea គ្រោងយក Lukaku ធ្វើជាផ្នែកមួយនៃសំណើ ទិញយកខ្សែប្រយុទ្ធ Spurs ម្នាក់នេះ

អង់គ្លេស៖ ក្លិប Chelsea ត្រូវបានគេរាយការណ៍ថាចង់យក ខ្សែប្រយុទ្ធ Romelu Lukaku ទៅធ្វើជាផ្នែកមួយនៃកិច្ចព្រមព្រៀងទិញយកខ្សែប្រយុទ្ធ Harry Kane ពីក្លិប Tottenham Hotspur នៅខែមករាខាងមុខនេះ។

លោក Graham Potter បានចូលមកដឹកនាំ Chelsea ជំនួសលោក Thomas Tuchel ហើយដោយក្នុងនោះ គេរំពឹងថាលោកនឹងទិញយកកីឡាករថ្មីៗនាទីផ្សារដោះដូររដូវរងាខាងមុខ។

Kane ដែលជាខ្សែប្រយុទ្ធស្នូលរបស់ Spurs នៅសល់កុងត្រា២ឆ្នាំទៀត ខណៈដែលនៅរដូវកាលនេះ រូបគេស៊ុតបញ្ចូលទីបាន ៥គ្រាប់ ក្នុងការបង្ហាញខ្លួន៨ប្រកួតនៅរដូវកាលនេះ។

សារព័ត៌មាន Calciomercato បានផ្សាយថា Chelsea ចង់វាយ Lukaku ចេញទៅឲ្យ Spurs និងថែមប្រាក់មួយចំនួនក្នុងការយក Kane មកវិញស្របពេល Lukaku ធ្លាប់ជាកូនក្រុមរបស់លោក Antonio Conte កាលលោកដឹកនាំនៅ Inter Milan ៕

ប្រភព៖​ sportskeeda