Barca ចង់បានតារាជួរមុខពី Man City ម្នាក់នេះក្នុងករណីទិញ Kounde មិនបាន

អេស្ប៉ាញ៖ ក្លិប Barcelona ត្រូវបានគេរាយការណ៍ថាចង់ទិញយក ខ្សែការពារ Aymeric Laporte ពីក្លិប Manchester City បើសិនបរាជ័យក្នុងការទិញយក Jules Kounde ពី Sevilla ។

អ្នកកាសែត Fabrizio Romano បានរាយការណ៍ថា Kounde កំពុងស្ថិតក្នុងដំណាក់កាលចរចាជាមួយ Barcelona ផងនិង Chelsea ផងខណៈដែលគេជឿថាភាគីលោក Thomas Tuchel អាចនឹងមានអាទិភាពក្នុងការយកខ្សែការពារសញ្ជាតិបារាំងនេះជាងក្លិបយក្សនៅតំបន់កាតាឡាន់។

ដូច្នេះហើយទើបភាគីលោក Xavi Hernandez ងាកមកចុចយក Laporte ជាគោលដៅទី២ ដើម្បីយកមកពង្រឹងក្រុមបើទោះបីជាយកបាន Andreas Christensen និង Franck Kessie ក៏ដោយ។

យ៉ាងណាមិញ Aymeric Laporte ទើបតែចេញមុខនិយាយដោយផ្ទាល់ថាគេមិនចង់ចាកចេញពី Manchester City ទេស្របពេលលោក Pep Guardiola ក៏បានដាក់ឲ្យគេចូលលេងយ៉ាងទៀងទាត់ក្នុងក្រុមដោយចាប់ដៃគូជាមួយ Ruben Dias នៅរដូវកាលមុនផងដែរ៕

ប្រភព៖​ sportskeeda