មិនគួរធ្វើចឹងទេ! លោក Hamann ថាតារាឆ្នើមព័រទុយហ្កាល់រូបនេះ អសីលធម៌ ដោយការបំបាក់មុខគូប្រកួត

June 21, 2021

ព័រទុយហ្កាល់៖ អតីតកីឡាករ Liverpool លោក Didi Hamann បានធ្វើការរិះគន់ខ្សែប្រយុទ្ធ Cristiano Ronaldo ធ្ងន់ៗ បន្ទាប់ពីក្រុមជម្រើសជាតិព័រទុយហ្កាល់បានបរាជ័យក្រោមថ្វីជើងក្រមជម្រើសជាតិអាល្លឺម៉ង់ក្នុងលទ្ធផល ៤ទល់នឹង២។

ជាការពិតណាស់ លោក Hamann បានលើកឡើងដូច្នេះបន្ទាប់ពី Ronaldo បានបង្ហាញស្ទីលប៉ះបាល់ផាយកែងដោយធ្វើជាប៉ះដោយមិនមើលបាល់នៅទល់មុខកីឡាករ Antonio Rudiger ដែលលោកគិតថាវាជាទង្វីដែលអសីលធម៍។

កីឡាករ Cristiano Ronaldo និង Antonio Rudiger

លោក Hamann បាននិយាយថា៖

ខ្ញុំគិត ថា វាគ្មានប្រយោជន៍នោះទេ។ គាត់បានឆ្កឹះបាល់ឡើង និង សម្តែងធ្វើជាផាយបាល់ដោយមិនមើលបាល់។ វាពិតជាអស្ចារ្យ ហើយ ពួកយើងដឹងថាគាត់អាចធ្វើបាន ប៉ុន្តែ ខ្ញុំគិតថាគាត់ចង់ធ្វើក្រុមគូប្រកួតបាក់មុខទៅវិញទេ។ ប្រសិនបើអ្នកសួរទៅកាន់កីឡាកររបស់អាល្លឺម៉ង់ នោះគេនឹងប្រាប់អ្នកពីការយល់ឃើញរបស់ពួកគេហើយ។ តើគាត់ចង់សម្រេចអ្វីឲ្យពិតជាប្រាកដ?
— លោក Didi Hamann

ប្រភព៖ metro

អានបន្ថែម