រកបាន២គ្រាប់យប់មិញធ្វើឲ្យ Mbappe វ៉ាដាច់កំណត់ត្រាពិសេសមួយរបស់ Ronaldo

កាតា៖ ខ្សែប្រយុទ្ធ Kylian Mbappe បានក្លាយជាកីឡាករស៊ុតបញ្ចូលទីច្រើនជាង Cristiano Ronaldo នៅព្រឹត្តិការណ៍បាល់ទាត់ពិភពលោក បន្ទាប់ពីរកបាន២គ្រាប់ ទល់នឹង ប៉ូឡូញ កាលពីយប់ថ្ងៃទី៤ខែធ្នូកន្លងទៅនេះ។​

បារាំង ដែលជាក្រុមការពារតំណែងជើងឯក បានយកឈ្នះ ប៉ូឡូញ ៣ ទល់នឹង១ ដោយក្នុងនោះ Mbappe រកបាន២គ្រាប់ផងដែរ។​

គ្រាប់ទី២ក្នុងការប្រកួតនេះ ជាគ្រាប់ដែល Mbappe ស៊ុតលើកទី៩ហើយនៅព្រឹត្តិការណ៍បាល់ទាត់ពិភពលោកទាំងពីរលើកគឺឆ្នាំ ២០១៨ និង ២០២២ ខណៈដែល  Ronaldo ស៊ុតបញ្ចូលទីទើបតែបាន៨គ្រាប់ទេ ក្នុងព្រឹត្តិការណ៍បាល់ទាត់ពិភពលោក៥លើកដែលខ្លួនបានបង្ហាញខ្លួន។​

៩គ្រាប់នេះក៏ធ្វើឲ្យ Mbappe តាមស្មើកំណត់ត្រា Lionel Messi ​ដែលរកបាន៩គ្រាប់ឲ្យអាហ្សង់ទីន ក្នុងការប្រកួតបាល់ទាត់ពិភពលោកផងដែរ៕

ប្រភព៖​ sportskeeda