ឆ្លងដល់ក្នុងវត្ត! រកឃើញព្រះសង្ឃចំនួន ២០អង្គ ឆ្លងជំងឺកូវីដ១៩
July 16, 2021
ភ្នំពេញ៖ នៅរសៀល ថ្ងៃព្រហស្បតិ៍ ទី១៥ ខែកក្កដា ព្រះចៅអធិការវត្តវារិន្ទព្រែកលៀប សហការជាមួយអាជ្ញាធរខណ្ឌ បានអញ្ជើញក្រុមគ្រូទេព្យមកធ្វើសំណាកព្រះសង្ឃ និងអ្នកស្នាក់នៅវត្តទាំងអស់សរុប ១០៥អង្គ/នាក់ ក្នុងនោះរកឃើញព្រះសង្ឃវិជ្ជមានជំងឺកូវីដ-១៩ ចំនួន ២០អង្គ ហើយក្រុមគ្រូពេទ្យបាននិមន្តព្រះសង្ឃទៅព្យាបាលនៅមណ្ឌលរួចរាល់ហើយដែរ។
គេមិនទាន់ដឹងពីវិធានការរបស់អាជ្ញាធរ ឬក្រសួងសុខាភិបាលនៅឡើយទេ ថាតើត្រូវបិទខ្ទប់វត្តព្រែកលៀប ឬបែបណានោះទេ។ តែយ៉ាងណាមិញនេះ ក្រសួងសុខាភិបាល ក្រុមគ្រូពេទ្យ និងអាជ្ញាធរខណ្ឌជ្រោយចង្វារ និងអាជ្ញាធរសង្កាត់ព្រែកលៀប ក៏បានជួយសម្រួល ក៏ដូចជាពិនិត្យយ៉ាងយកចិត្តទុកដាក់ ព្រមទាំងផ្តល់ដំបូន្មានសុខភាពល្អៗ ដល់ព្រះសង្ឃគ្រប់អង្គ និងអ្នកពាក់ព័ន្ធផ្សេងទៀតផងដែរ៕
ប្រភព៖ វត្តវារិន្ទព្រែកលៀប រាជធានីភ្នំពេញ
អានបន្ថែម