ហ្វីលីពីន៖ អ្នកជំនាញខាងពស់ម្នាក់មកពីប្រទេសហ្វីលីពីន ធ្លាប់បានអះអាងថា រូបគាត់ផ្ទាល់មានភាពស៊ាំនឹងពិសតែបែរជាស្លាប់ដោយសារពស់វែកខាំទៅវិញ។ នេះបើយោងតាមប្រភពសារព័ត៌មាន Daily Mailចុះផ្សាយកាលពីម្សិលមិញ។លោក Bernardo Alvarez អាយុ៦២ឆ្នាំរស់នៅក្នុងខេត្ត Pangasinan ហើយកាលពីថ្ងៃទី០៩ខែកក្កដាកន្លងទៅថ្មីៗនេះ គាត់បានចាប់ពស់វែកមួយក្បាលជាពស់វែកប្រភទពូជហ្វីលីពីនខាងជើងដើម្បីថើបវា ទុកជាបង្ហាញឲ្យអ្នកភូមិបានឃើញ។ តែផ្ទុយទៅវិញ នៅពេលគាត់ថើបវាក៏ស្រាប់តែវារំកិលស្ទុះទៅមុខ និងខាំអណ្ដាតគាត់ ដែលបណ្ដាលឲ្យគាត់ដួលហើយស្រែកដោយមានការឈឺចាប់ភ្លាមៗ។ក្រោយមក ប៉ូលិស និងក្រុមគ្រូពេទ្យបានប្រញាប់ប្រញាល់ចុះទៅដល់ទីតាំងកើតហេតុផ្ទាល់ តែជាអកុសលបុរសខាងលើ បានស្លាប់បាត់បង់ជីវិតទៅហើយដោយសារតែពិសពស់វែកខ្លាំង ដែលធ្វើឲ្យរាងកាយមានសភាពយ៉ាងរឹង។យ៉ាងណាមិញសាកសពរបស់គាត់នឹងត្រូវបានក្រុមគ្រួសារបញ្ចុះនៅក្នុងសប្ដាហ៍នេះហើយចំណែកពស់វែកនោះវិញ ក៏ត្រូវបានអ្នកភូមិខឹង និងសម្លាប់ចោលផងដែរ។ ទន្ទឺមនឹងនេះ លោកវេជ្ជបណ្ឌិតAnna de Guzman មន្រ្តីសុខាភិបាលខេត្តបានមានប្រសាសន៍ថា៖<blockquote><aside>ពិសរបស់ពស់វែក អាចបណ្ដាលឲ្យជនរងគ្រោះខ្វិនដែលភាពខ្វិននេះអាចបញ្ឈប់ការដកដង្ហើម និងធ្វើឲ្យប៉ះពាល់ដល់ចរន្តអុកស៊ីសែននៅក្នុងខ្លួនហើយទីបំផុតបញ្ឈប់ការដើរនៃចង្វាក់បេះដូង។ ពស់វែកហ្វីលីពីនខាងជើងត្រូវបានគេទទួលស្គាល់ថា ជាពស់មួយក្នុងចំណោមពស់ដទៃទៀត ដែលគ្រោះថ្នាក់បំផុតលើពិភពលោកហើយពិសរបស់វានៃការខាំម្ដង អាចវាយប្រហារប្រព័ន្ធដង្ហើមរបស់ជនរងគ្រោះឲ្យស្លាប់បាន៕</aside><label>— &nbsp; លោកវេជ្ជបណ្ឌិត&nbsp;Anna de Guzman</label></blockquote><figure style="text-align:center"><img src="https://cms.dmpcdn.com/article/2021/07/16/59be8c20-e5ea-11eb-b3f5-8140d94796e3_original.jpg" alt="&amp;nbsp;បុរសរងគ្រោះកាលនៅមានជីវិត" style="width:100%"/><figcaption>&nbsp;បុរសរងគ្រោះកាលនៅមានជីវិត</figcaption></figure>ប្រភព: <a target="_blank" href="https://www.dailymail.co.uk/news/article-9791465/Snake-expert-claimed-immune-venom-killed-cobra-bites-kisses-it.html">Daily Mail</a>

អ្នកជំនាញខាងពស់ ដែលធ្លាប់អះអាងថាគាត់មានភាពស៊ាំនឹងពិស ឥឡូវនេះបានស្លាប់ហើយ ដោយសារពស់វែកខាំ