កោះកុង៖&nbsp; អាជ្ញាធរខេត្តកោះកុង គ្រោងយកថ្ងៃទី០៩ ខែកញ្ញា ឆ្នាំ២០២១ខាងមុខនេះ ជាថ្ងៃបើកសាលារៀនឱ្យសិស្សានុសិស្សចូលរៀនឡើងវិញបន្ទាប់ពីបិទសាលារៀនមួយរយៈពេលធំ ព្រោះតែជំងឺរាតត្បាតកូវីដ១៩។គម្រោងបើកសាលារៀនឡើងវិញនេះ បានធ្វើឡើង &nbsp;ក្រោយពីលោក ស្រេង ហុង អភិបាលរងខេត្តកោះកុងតំណាងលោកស្រី មិថុនា ភូថង អភិបាលខេត្ត បានបើកកិច្ចប្រជុំពិភាក្សា និងពិនិត្យស្ថានភាពជាក់ស្តែងបន្ទាប់ពីស្ថានភាព អត្រាឆ្លងជំងឺកូវីដ១៩ មានការថមថយចុះគួរឱ្យកត់សំគាល់ ណាមួយ សិស្សានុសិស្សក៏បានទទួលចាក់វ៉ាក់សាំងការពារកូវីដ១៩បានគ្រប់ៗគ្នារួចរាល់ហើយ។កិច្ចប្រជុំស្តីពីគម្រោងបើកសាលារៀនឡើងវិញនេះ បានប្រព្រឹត្តិឡើង កាលពីព្រឹកថ្ងៃទី៦ខែកញ្ញា ឆ្នាំ២០២១នេះ ដោយមានវត្តមានចូលរួមពី លោក អភិបាលក្រុង-ស្រុកប្រធានមន្ទីរអប់រំខេត្តកោះកុង និងមន្ត្រីគ្រប់ការិយាល័យមន្ទីរអប់រំក្រុងស្រុកមួយចំនួនផងដែរ។ឆ្លៀតក្នុងឱកាសនោះដែរ លោក ស្រេង ហុង មានប្រសាសន៍ថា៖ <blockquote><aside>ដើម្បីឆ្លើយតបនឹងអនុវត្តន៍ការណែនាំរបស់ប្រមុខរាជរដ្ឋាភិបាលនិងក្រសួងអប់រំ យុវជន និងកីឡា, រដ្ឋបាលខេត្តបានរៀបចំកិច្ចប្រជុំនាពេលនេះដើម្បីពិនិត្យ និងស្រង់ទិន្នន័យ ពីស្ថានភាពជាក់ស្តែងចំពោះការបើកសាលារៀនឡើងវិញ ដោយនៅទូទាំងខេត្តកោះកុង មានសិស្សកម្រិតបឋមសិក្សាមានចំនួន១៦,៦៨០នាក់ និងសិស្សកម្រិតមធ្យមសិក្សាមានចំនួន៥,៣៩៣នាក់។</aside><label>— លោក ស្រេង ហុង</label></blockquote>ទន្ទឹមនេះ លោកអភិបាលរូបនេះ ក៏បានណែនាំរដ្ឋបាលក្រុងស្រុកនិងការិយាល័យអប់រំក្រុង ស្រុក មន្ទីរអប់រំ យុវជន និងកីឡាខេត្តពិនិត្យពិភាក្សាឱ្យបានគ្រប់ជ្រុងជ្រោយថាតើនៅតាមក្រុងស្រុកអាចបើកដំណើរការរៀនវិញនៅពេលណាជាក់លាក់ និងត្រូវអនុវត្តវិធានការសុខាភិបាល និងអនុវត្តតាមវិធានការ «៣កុំ និង៣ការពារ» ឱ្យបានខ្ជាប់ខ្ជួនបំផុត ដើម្បីទប់ស្កាត់ការរីករាលដាលជំងឺកូវីដ១៩នៅក្នុងសាលារៀន និងក្នុងសហគមន៍៕<figure style="text-align:center"><img src="https://cms.dmpcdn.com/article/2021/09/06/36733c10-0ef9-11ec-88d7-1f7233a217c3_original.jpg" alt="" style="width:100%"/></figure><figure style="text-align:center"><img src="https://cms.dmpcdn.com/article/2021/09/06/36d643a0-0ef9-11ec-bd83-0b5f6b65ff00_original.jpg" alt="" style="width:100%"/></figure><figure style="text-align:center"><img src="https://cms.dmpcdn.com/article/2021/09/06/37228ee0-0ef9-11ec-88d7-1f7233a217c3_original.jpg" alt="" style="width:100%"/></figure><figure style="text-align:center"><img src="https://cms.dmpcdn.com/article/2021/09/06/376e16d0-0ef9-11ec-bd83-0b5f6b65ff00_original.jpg" alt="" style="width:100%"/></figure><figure style="text-align:center"><img src="https://cms.dmpcdn.com/article/2021/09/06/37c5d3c0-0ef9-11ec-88d7-1f7233a217c3_original.jpg" alt="" style="width:100%"/></figure><figure style="text-align:center"><img src="https://cms.dmpcdn.com/article/2021/09/06/3814b710-0ef9-11ec-bd83-0b5f6b65ff00_original.jpg" alt="" style="width:100%"/></figure>

ដំណឹងល្អ! អាជ្ញាធរខេត្តកោះកុង គម្រោងបើកសាលា ឱ្យសិស្សចូលរៀនវិញ នៅថ្ងៃទី៩ ខែកញ្ញា ខាងមុខនេះ