រាជធានីភ្នំពេញ៖ ស្ត្រីម្នាក់ដែលមានជំងឺសរសៃប្រសាទ ដែលបន្លំធ្វើជាកូនរបស់សម្តេចតេជោ ហ៊ុន សែន ត្រូវបានអាជ្ញាធរឃាត់ខ្លួនកាលនៅរសៀលថ្ងៃទី៥ ខែកញ្ញា ឆ្នាំ២០២១នេះ និងបានបញ្ជូនទៅមន្ទីរពេទ្យភ្នំពេញដើម្បីព្យាបាល។ស្ត្រីដែលរស់នៅសង្កាត់អូឬស្សី ៣ ខណ្ឌ ៧ មករារាជធានីភ្នំពេញបានប្រើឈ្មោះក្លែងក្លាយហ្វេសប៊ុកឈ្មោះ“ Ah July” ដែលធ្លាប់បានអះអាងម្តងហើយម្តងទៀតថានាងជាកូនរបស់សម្តេចតេជោ ហ៊ុន សែន។សូមជម្រាបថា នាងត្រូវបានចាប់ខ្លួននៅថ្ងៃទី ៥ ខែសីហាហើយត្រូវបានបញ្ជូនទៅមន្ទីរពេទ្យបង្អែកភ្នំពេញដើម្បីព្យាបាល។ ស្ត្រីម្ចាស់គណនីហ្វេសប៊ុកឈ្មោះ Ah July មានប្រវត្តិយូរហើយក្នុងការអះអាងថានាងជាសាច់ញាតិរបស់សម្តេចតេជោ នៅលើបណ្តាញសង្គម។ក្នុងនោះ សម្តេចតេជោ ហ៊ុន សែន បានឆ្លើយតបទៅនឹងការអត្ថាធិប្បាយនៅលើបណ្តាញសង្គមដោយច្រានចោលការលើកឡើងរបស់ម្ចាស់គណនីហ្វេសប៊ុក Ah July និងណែនាំនាងឱ្យឈប់បែបនេះទៀត។សម្តេចតេជោ បានមានប្រសាសន៍ថា៖​​ ដើម្បីជៀសវាងការភ័ន្តច្រឡំរបស់មហាជនលើការលើកឡើងរបស់ក្មួយដែលលើកឡើងច្រើនដង ហើយហាក់ដូចជាក្មួយនេះជាកូនស្រីរបស់ពូ និងមីងដែលត្រូវបោះបង់ចោលឱ្យនៅខាងក្រៅ។ ពូសូមប្រាប់ទៅក្មួយសូមបញ្ឈប់ចូលមកបន្លំជាកូនពូ និងមីងតទៅទៀត ព្រោះវាជារឿងអគុណធម៌ខ្លាំងណាស់ សម្រាប់ពូ និងមីង ដែលបោះបង់កូនចោលមិនរាប់រក។សម្តេចតេជោ ហ៊ុនសែន&nbsp; បានមានប្រសាសន៍ទៀតថា៖ ពេលក្មួយចូលមកក្មួយតែងប្រើរាជស័ព្ទដែលធ្វើឱ្យមានកំហុសបន្ថែមទៀត។ប្រសិនបើជាពូមិនយល់ថា ក្មួយមានជំងឺសរសៃប្រសាទទេ ម្ល៉េះសមពូឱ្យនគរបាលតាមរកក្មួយយូរមកហើយ។សម្តេចតេជោ បានសរសេរយ៉ាងដូច្នេះថា៖ ពូ និងមីងអាចជួយព្យាបាលជំងឺសរសៃប្រសាទជូនក្មួយបាន សុំក្មួយផ្តល់លេខទូរស័ព្វមកពូ ឬចេញមកបកស្រាយតាមរយៈខមិននេះថា តើក្មួយជាអ្នកណា? និងកំពុងរស់នៅឯណា?៕<figure style="text-align:center"><img src="https://cms.dmpcdn.com/article/2021/09/06/04c39930-0ee5-11ec-bd8f-e1b8e0f580a7_original.jpeg" alt="ស្ត្រីម្ចាស់គណនី Ah July" style="width:100%"/><figcaption>ស្ត្រីម្ចាស់គណនី Ah July</figcaption></figure><figure style="text-align:center"><img src="https://cms.dmpcdn.com/article/2021/09/06/0522d030-0ee5-11ec-bd8f-e1b8e0f580a7_original.jpg" alt="ស្ត្រីម្ចាស់គណនី Ah July" style="width:100%"/><figcaption>ស្ត្រីម្ចាស់គណនី Ah July</figcaption></figure><figure style="text-align:center"><img src="https://cms.dmpcdn.com/article/2021/09/06/057f2100-0ee5-11ec-9f5d-e97e1bdef80f_original.jpeg" alt="សារឆ្លើយឆ្លងរវាងសម្តេចតេជោ និង Ah July" style="width:100%"/><figcaption>សារឆ្លើយឆ្លងរវាងសម្តេចតេជោ និង Ah July</figcaption></figure>

ស្ត្រីដែលបន្លំធ្វើជាកូនសម្តេចតេជោ ហ៊ុន សែន ត្រូវអាជ្ញាធរឃាត់ខ្លួន និងបញ្ជូនទៅមន្ទីរពេទ្យ ដើម្បីព្យាបាល ជំងឺសរសៃប្រសាទ