សៀមរាប៖ប្រាសាទដំរីក្រាបស្ថិតនៅមិនឆ្ងាយពីស្រះដំរី នៃឧទ្យានជាតិព្រះជ័យវរ្ម័ន នរោត្តម ភ្នំគូលែន ក្នុងភូមិសាស្រ្តស្រុកស្វាយលើ ខេត្តសៀមរាប។ បើទោះបីស្ថិតនៅក្នុងព្រៃជ្រៅបន្តិចក្តីប៉ុន្តែប្រាសាទដំរីក្រាប ដែលស្ថិតនៅលើខ្នងភ្នំគូលែន ខេត្តសៀមរាបនៅតែអាចទាក់ទាញភ្ញៀវទេសចរ ឱ្យចូលកម្សាន្តនិងបន់ស្រន់ស្ទើររៀងរាល់ថ្ងៃ។ការបន់ស្រន់សុំសេចក្តីសុខ នៅទីកន្លែងសក្តារបូជានៃប្រាសាទនេះកើតឡើងតាំងពីយូរលង់ណាស់មកហើយ។ ប្រាសាទដំរីក្រាបសង់ឡើងក្នុងអំឡុងសតវត្សទី៩ នៃអាណាចក្រខ្មែរ បើទោះបីទទួលរងការបែក​បាក់ដោយអន្លើពិតមែនប៉ុន្តែនៅតែឈរបង្អួតសម្រស់យ៉ាងស្រស់ត្រកាល លើខ្នងភ្នំគូលែនដែលទាក់ទាញដល់ភ្ញៀវទេសចរចូលកម្សាន្ត និងបន់ស្រន់។ គួរបញ្ជាក់ថា ប្រាសាទដំរីក្រាបកសាងអំពីឥដ្ឋមានតួប៉មបីសង់លើខឿនថ្មបាយក្រៀមតែមួយ និងមានកំពែងថ្មបាយក្រៀមសង់ព័ទ្ធជុំវិញ។តួប៉មពីរនៅសង្ខាងតួប៉ម កណ្ដាលបានរលំបាក់សល់ត្រឹមមេទ្វារ និងមួយទៀតត្រឹមខឿនរីឯតួប៉មកណ្តាលមាន សភាពល្អច្រើន ហោជាងធ្វើពីឥដ្ឋបាក់បែកផ្នែកខ្លះនិងមានបន្សល់ស្លាកស្នាមបិទ បាយអ ហើយនៅផ្នែកខ្លះនៃតួប្រាសាទមានក្បាច់លម្អផ្សេងៗ។ យើងឃើញមាន បំណែកផ្តែរបំណែកជើងទម្រស្នាណាទ្រូនី និងសសរពេជ្ររាង៨ជ្រុងចំនួន២នៅល្អ ស្ថិតក្នុងតួប៉មកណ្តាល។ចំណែកគោបុរៈកសាងពីឥដ្ឋ សព្វថ្ងៃនៅសល់តែគ្រឹះ និងផ្តែរទ្វារឆ្លាក់មិនទាន់រួចដែលស្ថិតនៅក្បែរនោះ។ ប្រាសាទនេះពីដើមមានដម្កល់រូបព្រះវិស្ណុនៅក្នុងតួនីមួយៗ៕<figure style="text-align:center"><img src="https://cms.dmpcdn.com/article/2022/07/29/11f55b70-0f0c-11ed-9389-0b864725efb6_original.png" alt="" style="width:100%"/></figure><figure style="text-align:center"><img src="https://cms.dmpcdn.com/article/2022/07/29/13307380-0f0c-11ed-a2f8-298763e4aa88_original.png" alt="" style="width:100%"/></figure><figure style="text-align:center"><img src="https://cms.dmpcdn.com/article/2022/07/29/142e3470-0f0c-11ed-8c9a-8d7ad368a23e_original.png" alt="" style="width:100%"/></figure><figure style="text-align:center"><img src="https://cms.dmpcdn.com/article/2022/07/29/157cfb90-0f0c-11ed-8506-eb7a58018440_original.png" alt="" style="width:100%"/></figure><figure style="text-align:center"><img src="https://cms.dmpcdn.com/article/2022/07/29/171798c0-0f0c-11ed-8c9a-8d7ad368a23e_original.png" alt="" style="width:100%"/></figure><figure style="text-align:center"><img src="https://cms.dmpcdn.com/article/2022/07/29/188afee0-0f0c-11ed-8c9a-8d7ad368a23e_original.png" alt="" style="width:100%"/></figure>

ប្រាសាទដំរីក្រាប លើខ្នងភ្នំគូលែន ​នៅតែទាក់ទាញទេសចរ ទោះស្ថិតក្នុងព្រៃជ្រៅ​ និងបែក​បាក់​ខ្លះៗ