ជប៉ុន៖យោងតាមការចុះផ្សាយរបស់សារព័ត៌មាន CNAនៅព្រឹកថ្ងៃច័ន្ទនេះបានឱ្យដឹងថាជប៉ុនគ្រោងនឹងបំពាក់រ៉ាដា Aegis ដ៏មានឥទ្ធិពលថ្មីរបស់ខ្លួននៅលើនាវាចម្បាំង ដើម្បីបង្កើនសមត្ថភាពប្រព័ន្ធការពារជាតិ ក្នុងការទប់ទល់ប្រឆាំងនឹងមីស៊ីលផ្លោងដែលបាញ់ដោយកូរ៉េខាងជើង។ក្រុមប្រឹក្សាសន្តិសុខជាតិបានដាក់សំណើទៅកាន់នាយករដ្ឋមន្រ្តីជប៉ុន លោក Yoshihide Suga ស្តីពីគម្រោងបំពាក់រ៉ាដាមុនដំណាច់ឆ្នាំនេះ ហើយលោកក៏នឹងមានចំណាត់ការអនុម័តផែនការនេះផងដែរ។ ​ការបំពាក់រ៉ាដាAegis ថ្មីនេះ ត្រូវបានគេរំពឹងថា នឹងចំណាយទឹកប្រាក់អស់ប្រហែល ២ពាន់លានដុល្លារ សម្រាប់ការសាងសង់ និងអាចត្រូវចំណាយរយៈពេល ៣ឆ្នាំ ដើម្បីបញ្ចប់។គួរជម្រាបឱ្យដឹងថាជាមួយនឹងការបំពាក់ប្រព័ន្ធរ៉ាដា SPY-7 បន្ថែមពីលើនាវាចម្បាំង វានឹងធ្វើឱ្យរ៉ាដា Aegis មានឥទ្ធិពលខ្លាំងក្នុងការចាប់សញ្ញាមីស៊ីលផ្លោងដល់ទៅបីដងឯនោះ។ ហើយគម្រោងបំពាក់រ៉ាដា Aegis នេះទៀតសោត នឹងអនុញ្ញាតឱ្យជប៉ុនមានសមត្ថភាពខ្លាំងពូកែក្នុងការស្ទាក់ចាប់និងប្រឆាំងទប់ទល់ទៅនឹងមីស៊ីលក្នុងលំហ ដែលបាញ់ដោយកូរ៉េខាងជើង ឬគូប្រជែងដ៏មានសក្តានុពលផ្សេងទៀតរបស់ជប៉ុនដូចជាចិន និងរុស្ស៊ីជាដើម៕<figure><img src="https://cms.dmpcdn.com/article/2020/12/07/f29cf6f0-3859-11eb-80e3-2fbf2839b261_original.jpg" alt="នាវាចម្បាំងជប៉ុន ដែលគ្រោងនឹងបំពាក់រ៉ាដា Aegis" style="width:100%"/><figcaption>នាវាចម្បាំងជប៉ុន ដែលគ្រោងនឹងបំពាក់រ៉ាដា Aegis</figcaption></figure><figure><img src="https://cms.dmpcdn.com/article/2020/12/07/f2f8f9a0-3859-11eb-9b6d-3fdf37c2e48e_original.jpg" alt="នាវាចម្បាំងជប៉ុន ដែលគ្រោងនឹងបំពាក់រ៉ាដា Aegis" style="width:100%"/><figcaption>នាវាចម្បាំងជប៉ុន ដែលគ្រោងនឹងបំពាក់រ៉ាដា Aegis</figcaption></figure><figure><img src="https://cms.dmpcdn.com/article/2020/12/07/f3b65630-3859-11eb-80e3-2fbf2839b261_original.jpg" alt="កងកម្លាំងស្វ័យការពារដែនសមុទ្ររបស់ជប៉ុន" style="width:100%"/><figcaption>កងកម្លាំងស្វ័យការពារដែនសមុទ្ររបស់ជប៉ុន</figcaption></figure><figure><img src="https://cms.dmpcdn.com/article/2020/12/07/f43daea0-3859-11eb-9b6d-3fdf37c2e48e_original.jpg" alt="ក្បួនប្រយុទ្ធទប់ទល់ទៅនឹងការបាញ់មីស៊ីលផ្លោងរបស់ជប៉ុន" style="width:100%"/><figcaption>ក្បួនប្រយុទ្ធទប់ទល់ទៅនឹងការបាញ់មីស៊ីលផ្លោងរបស់ជប៉ុន</figcaption></figure><figure><img src="https://cms.dmpcdn.com/article/2020/12/07/f4a438a0-3859-11eb-80e3-2fbf2839b261_original.png" alt="ប្រព័ន្ធការពារមីស៊ីលផ្លោងរបស់ជប៉ុន" style="width:100%"/><figcaption>ប្រព័ន្ធការពារមីស៊ីលផ្លោងរបស់ជប៉ុន</figcaption></figure>

ដើម្បីទប់ទល់នឹងមីស៊ីលកូរ៉េខាងជើង ជប៉ុនគ្រោងបំពាក់ប្រព័ន្ធរ៉ាដាដ៏មានឥទ្ធិពល នៅលើនាវាចម្បាំងរបស់ខ្លួន