ប៉ាគីស្ថាន៖ មនុស្សយ៉ាងហោចណាស់​​​ ៦នាក់ រួមមានអ្នកជំងឺកូវីដ-១៩៥នាក់បានស្លាប់ នៅមន្ទីរពេទ្យមួយក្នុងប្រទេសប៉ាគីស្ថាន ដោយសារកង្វះខាតក្នុងការផ្គត់ផ្គង់អុកស៊ីសែន។តាមប្រភពព័ត៌មានបានឲ្យដឹងថា ការផ្គត់ផ្គង់អុកស៊ីសែនត្រូវបានពន្យារពេលដែលមានន័យថាអ្នកជំងឺជាង២០០នាក់ រួមមានអ្នកជំងឺកូវីដ-១៩ ជិត១០០នាក់ ខ្វះខាតខ្យល់អុកស៊ីសែនអស់រយៈពេលជាច្រើនម៉ោងក្នុងមន្ទីរពេទ្យដែលគ្រប់គ្រងដោយរដ្ឋាភិបាល ស្ថិតនៅភាគខាងជើងទីក្រុងPeshawar កាលពីថ្ងៃសៅរ៍សប្ដាហ៍មុននេះ។ជុំវិញករណីនេះ មន្ដ្រីមន្ទីរពេទ្យបានលើកឡើងអំពីបញ្ហានេះថាជាការធ្វេសប្រហែស ដោយបានស្ដីបន្ទោសលើក្រុមហ៊ុនផ្គត់ផ្គង់អុកស៊ីសែន។ទន្ទឹមនឹងនេះដែរ រដ្ឋមន្ត្រីសុខាភិបាលខេត្តលោក Taimur Saleem Jhagra បានថ្លែងនៅក្នុងសន្និសីទសារព័ត៌មានមួយ ​​​​​​​​​​ដោយបញ្ជាក់ថា៖<blockquote><aside>ឧប្បត្តិហេតុដ៏ក្រៀមក្រំនេះ បានកើតឡើងដោយសារតែកង្វះការផ្គត់ផ្គង់អុកស៊ីសែននៅក្នុងមន្ទីរពេទ្យ។ យើងនឹងបើកការស៊ើបអង្កេតជុំវិញករណីនេះ។</aside><label>— &nbsp; លោក&nbsp;Taimur Saleem Jhagra</label></blockquote>ពាក់ព័ន្ធករណីខាងលើ ប្រព័ន្ធផ្សព្វផ្សាយក្នុងស្រុកបានរាយការណ៍ថាការផ្គត់ផ្គង់បំពង់អុកស៊ីសែនថ្មី មិនបានមកដល់ពេលល្ងាចថ្ងៃសៅរ៍ទេ ហើយបំពង់អុកស៊ីសែនដែលមានស្រាប់ចំនួន៣០០បំពង់ មិនអាចផ្គត់ផ្គង់គ្រប់គ្រាន់ឡើយ ដែលជាហេតុធ្វើឲ្យមន្ទីរពេទ្យជួបបញ្ហា រហូតដល់មានអ្នកជំងឺបាត់បង់ជីវិត។ ខណៈពេលបច្ចុប្បន្ននេះដែរ មន្ទីរទេព្យទូទាំងប្រទេសប៉ាគីស្ថានក៏កំពុងតស៊ូនឹងជំងឺកូវីដ-១៩រលកទីពីរផងដែរ៕សូមទស្សនារូបភាពខាងក្រោម៖<figure><img src="https://cms.dmpcdn.com/article/2020/12/07/f06dbae0-3859-11eb-80e3-2fbf2839b261_original.jpg" alt="បំពង់អុកស៊ីសែន" style="width:100%"/><figcaption>បំពង់អុកស៊ីសែន</figcaption></figure><figure><img src="https://cms.dmpcdn.com/article/2020/12/07/f142be20-3859-11eb-80e3-2fbf2839b261_original.jpg" alt="បំពង់អុកស៊ីសែន" style="width:100%"/><figcaption>បំពង់អុកស៊ីសែន</figcaption></figure><figure><img src="https://cms.dmpcdn.com/article/2020/12/07/f1789b30-3859-11eb-9b6d-3fdf37c2e48e_original.jpg" alt="អ្នកជំងឺ" style="width:100%"/><figcaption>អ្នកជំងឺ</figcaption></figure>

សោកស្ដាយ! អ្នកជំងឺកូវីដ-១៩ នៅប៉ាគីស្ថាន បានស្លាប់ដោយសារតែកង្វះអុកស៊ីសែន