សៀមរាប៖ មិនថានៅក្នុងពេលអតីតកាល និងបច្ចុប្បន្ននោះទេ ចំនួនអ្នកថតរូបជាច្រើននាក់ដើរកាន់កាំមេរ៉ា ស្ពាយកាតាបពីក្រោយ ក្នុងបរិវេណរមណីយដ្ឋានអង្គរ។ ជាងថតមួយចំនួនតូចកំពុងថតរូបឱ្យអ្នកទេសចរ ខណៈអ្នកខ្លះទៀតបានត្រឹមអង្គុយក្បែរសួនស្រែកហៅភ្ញៀវឱ្យប្រើសេវារបស់ខ្លួន។ ប៉ុន្តែភ្ញៀវទេសចរបដិសេធ ព្រោះពួកគេមានទូរស័ព្ទផ្ទាល់ខ្លួន ដែលអាចផ្ដិតយករូបភាពតាមអ្វីដែលខ្លួនចង់បាន។ ការណ៍នេះធ្វើឱ្យអ្នកថតរូប នៅរមណីយដ្ឋានអង្គរបារម្ភបាត់បង់របរនេះ។ដោយឡែក ចូលមកដល់ពេលមានវត្តមានជំងឺកូវីដ១៩ បូករួមនឹងការរីកចម្រើននៃបច្ចេកវិទ្យា ធ្វើឱ្យជាងថតរូបខ្លះនៅរមណីយដ្ឋានអង្គរស្ទើរតែបាត់បង់ចំណូលទាំងស្រុង។ ភ្ញៀវទេសចរភាគច្រើន មានទូរស័ព្ទដៃទំនើបផ្ទាល់ខ្លួន ដែលអាចថតរូបឱ្យគ្រួសារ និងខ្លួនឯងបាន។ ភ្ញៀវទេសចរនាពេលបច្ចុប្បន្នមិនសូវនិយម ឱ្យជាងថតរូប ថតឱ្យនិងយករូបថតជាសន្លឹកនោះទេ។ អង្គុយនៅសួនច្បារ មុខប្រាសាទអង្គរវត្តតាំងពីម៉ោងប្រហែល៨ព្រឹក​ ដល់ថ្ងៃបាក់រសៀល ជាងថតរូបខ្លះមិនទាន់មានភ្ញៀវមួយផង។​ អ្នកថតរូបខ្លះទៀត អាចរកចំណូលបានបន្តិចបន្តួចនាពេលបច្ចុប្បន្ន ​តែពួកគេនៅបន្តប្រកបរបរនេះ។ ជាក់ស្ដែងរបរថតរូបក្នុងរមណីយដ្ឋានអង្គរ បានចិញ្ចឹមគ្រួសារលោក ឆ្លង សាវិន តាំងពីឆ្នាំ២០១៧មកម៉្លេះ​។ ដ្បិតលោកមិនសូវរកចំណូលបានច្រើនពីការថតរូប តែលោកមិនបោះបង់ការងារនេះទេ។ លោក ឆ្លង សាវិន​ ថា ការងារថតរូប ជាការងារមួយស្រាល និងមិនសូវហត់ដូចធ្វើការសំណង់ ម្យ៉ាងលោកមានអនុស្សាវរីយច្រើននៅរមណីយដ្ឋានអង្គរនេះ។&nbsp;&nbsp;ជាងថតរូបម្នាក់ដើរចេញពីប្រាសាទអង្គរវត្ត ជាមួយដៃកាន់កាមេរ៉ាមួយ លោក មន់​ ដេ រៀបរាប់ថា៖&nbsp;<blockquote><aside>«ភ្ញៀវទេសចរខ្លះគាត់ចង់បានរូបភាពសន្លឹកគាត់ក៏ហៅពួកខ្ញុំជាជាងថតរូបឱ្យថត​ តែអ្នកខ្លះគាត់ក៏ប្រើទូរស័ព្ទថត។ អ្នកគាំទ្រការថតរូបនៅមានតិចតួច។ បើអត់មានភ្ញៀវខ្ញុំប្រហែលជាត្រូវទៅធ្វើការស៊ីឈ្នួលគេវិញ»</aside><label>— មន់​ ដេ</label></blockquote> យ៉ាងណាមិញ ការប៉ះពាល់ដោយសារជំងឺកូវីដ១៩ ជាបញ្ហាមួយ តែអ្វីដែលពិបាកនឹងដោះស្រាយនោះគឺ ការវិវត្តនៃបច្ចេកវិទ្យាថតរូប ដែលជំរុញឱ្យទេសចរជ្រើសរើសថតរូបតាមទូរស័ព្ទដៃដោយខ្លួនឯង។ មូលហេតុទាំងអស់នេះ ធ្វើឱ្យលោក មន់ ដេ និង លោក ឆ្លង សាវិន បារម្ភខ្លាចបាត់បង់អាជីពដែលចញ្ចឹមគ្រួសាររបស់លោក៕ប្រភព៖ ថ្មីថ្មីសូមចូលទស្សនារូបភាពខាងក្រោម៖<figure style="text-align:center"><img src="https://cms.dmpcdn.com/article/2021/11/25/763a1b40-4dbd-11ec-a78b-67ef47df29ee_original.jpg" alt="&amp;nbsp; លោក&amp;nbsp;មន់ ដេ" style="width:100%"/><figcaption>&nbsp; លោក&nbsp;មន់ ដេ</figcaption></figure><figure style="text-align:center"><img src="https://cms.dmpcdn.com/article/2021/11/25/78140b60-4dbd-11ec-ab2a-5bed3f7657d3_original.jpg" alt="លោក ឆ្លង សាវិន" style="width:100%"/><figcaption>លោក ឆ្លង សាវិន</figcaption></figure><figure style="text-align:center"><img src="https://cms.dmpcdn.com/article/2021/11/25/787d7b90-4dbd-11ec-a78b-67ef47df29ee_original.jpg" alt="ភ្ញៀវទេសចរមកកម្សាន្តប្រាសាទអង្គវត្ត" style="width:100%"/><figcaption>ភ្ញៀវទេសចរមកកម្សាន្តប្រាសាទអង្គវត្ត</figcaption></figure>

អ្នកថតរូបនៅរមណីយដ្ឋានអង្គរបារម្ភបាត់ចំណូល ខណៈភ្ញៀវទេសចរបច្ចុប្បន្នប្រើទូរស័ព្ទថតរូប