<p><b>ជប៉ុន៖</b> មនុស្ស២០នាក់បានបាត់ខ្លួនបន្ទាប់ពីមានការបាក់ដីដ៏ធំមួយ បានវាយប្រហារទីក្រុង Atami ក្រោយមានភ្លៀងធ្លាក់យ៉ាងខ្លាំង។ វីដេអូនៅលើបណ្ដាញសង្គមបានបង្ហាញពីភក់ពណ៌ខ្មៅធ្លាក់ពីលើកំពូលភ្នំមួយ និងបានឆ្លងកាត់ទីក្រុងឆ្ពោះទៅកាន់សមុទ្រ។ផ្ទះជាច្រើនត្រូវបានបំផ្លាញនិងកប់។</p><p> អភិបាលតំបន់បាននិយាយថាសាកសពចំនួន២ត្រូវបានរកឃើញដោយឆ្មាំសមុទ្រ។ អ្នកស្រុកម្នាក់បាននិយាយថា គាត់បានលឺសំឡេងដ៏រន្ធត់មួយនិងបានរត់គេចខណៈពេលដែលការបាក់ដីបានគ្របដណ្ដប់អ្វីៗពេញផ្លូវ។ ទីក្រុង Atami ស្ថិតនៅក្នុងខេត្តShizuoka មានភ្លៀងធ្លាក់ច្រើនថ្ងៃនៅក្នុងរយៈពេល៣ថ្ងៃដំបូងនៃខែកក្កដា។ អាកាសធាតុគឺស្រដៀងគ្នា នៅក្នុងខេត្ត Kanagawa នៅក្បែរគ្នា។</p><p> បម្រែបម្រួលអាកាសធាតុកំពុងធ្វើឲ្យកើតមានហេតុភេទបែបនេះកាន់តែខ្លាំង។ ប្រជាជនក្នុងតំបន់បាននិយាយថា ការរអិលបាក់ដីបានកើតឡើងនៅម៉ោងក្នុងតំបន់១០:៣០ កាលពីថ្ងៃសៅរ៍។</p><p>លោកនាយករដ្ឋមន្ត្រី Yoshihide Suga បានរួមបញ្ចូលក្រុមការងារ ដើម្បីឆ្លើយតបនឹងគ្រោះមហន្តរាយដែលបណ្ដាលមកពីភ្លៀងធ្លាក់យ៉ាងខ្លាំង នៅលើឆ្នេរមហាសមុទ្រប៉ាស៊ីហ្វិក។​ ប៉ូលិសអ្នកពន្លត់អគ្គិភ័យ និងយោធាជប៉ុនបានចូលរួមក្នុងប្រតិបត្តិការស្វែងរក។ អភិបាលក្រុង Atami លោក Sakae Saito បានប្រាប់ប្រព័ន្ធផ្សព្វផ្សាយក្នុងស្រុកថាផ្ទះរហូតដល់ទៅ៣០០ខ្នងបានទទួលរងផលប៉ះពាល់ ដោយសារការបាក់ដី៕</p><figure style="text-align:center"><img src="https://cms.dmpcdn.com/article/2021/07/04/ed911470-dc73-11eb-bb0c-ffdbc98791f0_original.png" alt="ផែនទី" style="width:100%"/><figcaption>ផែនទី</figcaption></figure><div style="text-align:center"><div><blockquote class="twitter-tweet"><p lang="ja" dir="ltr">熱海の土石流災害、安否不明が20人を超える。<a href="https://twitter.com/hashtag/%E8%B1%AA%E9%9B%A8?src=hash&amp;ref_src=twsrc%5Etfw">#豪雨</a>　<a href="https://twitter.com/hashtag/%E6%8B%A1%E6%95%A3%E5%B8%8C%E6%9C%9B?src=hash&amp;ref_src=twsrc%5Etfw">#拡散希望</a><br> <a href="https://t.co/aTGDXpyMob">pic.twitter.com/aTGDXpyMob</a></p>&mdash; 炎上動画・面白ネタ拡散バード🇯🇵 (@enjou_kakusan) <a href="https://twitter.com/enjou_kakusan/status/1411178774134083585?ref_src=twsrc%5Etfw">July 3, 2021</a></blockquote> <script async src="https://platform.twitter.com/widgets.js" charset="utf-8"></script></div><i>វីដេអូពីបណ្ដាញសង្គម Twitter</i></div><p><b>ប្រភព:</b><a target="_blank" href="https://www.bbc.com/news/world-asia-57704967"> BBC</a></p>

គ្រោះរអិលបាក់ដីនៅប្រទេសជប៉ុន បានបង្កឲ្យមនុស្សរាប់សិបនាក់បាត់ខ្លួន