ភ្នំពេញ៖ ថ្ងៃទី​ ២៩&nbsp;ខែមេសា&nbsp;ឆ្នាំ ២០២២ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ (DMC)&nbsp;បានចុះហត្ថលេខាលើអនុស្សរណៈនៃកិច្ចព្រមព្រៀងជាមួយនឹង ក្រុមហ៊ុនធានារ៉ាប់រងអាយុជីវិត&nbsp;FWD&nbsp;Cambodia&nbsp;ក្នុងគោលបំណងដើម្បីគាំទ្រដល់សកម្មភាពអនុវត្តគម្រោងរបស់និស្សិត នៃដេប៉ាតឺម៉ង់ប្រព័ន្ធផ្សព្វផ្សាយនិងសារគមនាគមន៍ ដើម្បីពង្រីកសមត្ថភាពរបស់និស្សិតលើជំនាញផលិតពហុមាតិកាផ្នែកប្រព័ន្ធផ្សព្វផ្សាយ និងជំនាញទំនាក់ទំនងបែបឌីជីថល ក្រោមប្រធានបទ “ការលើកកម្ពស់ការយល់ដឹងផ្នែកហិរញ្ញវត្ថុ&nbsp;និងជំងឺមហារីក”​ ។សកម្មភាពគម្រោងសំខាន់ៗនៃកិច្ចសហការនេះ រួមមានការរៀបចំយុទ្ធនាការលើកកម្ពស់ការយល់ដឹងតាមប្រព័ន្ធឌីជីថល ការផលិតផ្ទាំងផ្សព្វផ្សាយឌីជីថល ការផលិតវីឌីអូអប់រំខ្លីៗ និងការផលិតភាពយន្តខ្នាតខ្លីជាដើម។<figure style="text-align:center"><img src="https://cms.dmpcdn.com/article/2022/04/29/23c9d7f0-c7a3-11ec-aae7-fdebe9002abd_original.jpeg" alt="រូបភាពក្នុងកម្មវិធី ចុះហត្ថលេខាលើអនុស្សរណៈ" style="width:100%"/><figcaption>រូបភាពក្នុងកម្មវិធី ចុះហត្ថលេខាលើអនុស្សរណៈ</figcaption></figure>លោក&nbsp;អ៊ុង ប៊ុនអ៊ី&nbsp;ប្រធានដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ បានលើកឡើងថា៖&nbsp;<blockquote><aside>«​ ការចុះអនុស្សរណៈរួមគ្នានេះគឺមានសុពលភាពរយៈពេល៦ខែ​ ដែលនឹងអនុវត្តផ្ទាល់ដោយនិស្សិតឆ្នាំទី៣​ និងក្រុមនិស្សិត&nbsp;DMC Media Team&nbsp;របស់ដេប៉ាតឺម៉ង់ បន្ទាប់ពីពួកគេបានសិក្សាអំពីទ្រឹស្តីក៏ដូចជាបច្ចេកទេសសម្រាប់ថ្នាក់ជំនាញផលិតវីដេអូ&nbsp;ជំនាញថតរូប&nbsp;ជំនាញរចនាប្លង់និងក្រាហ្វិក និងជំនាញទំនាក់ទំនង។ »</aside><label>— ប្រសាសន៍លោក&nbsp;អ៊ុង ប៊ុនអ៊ី</label></blockquote>លោកបានបន្ថែមទៀតថា៖&nbsp;<blockquote><aside>« ការគាំទ្រពីក្រុមហ៊ុនធានារ៉ាប់រងអាយុជីវិត&nbsp;FWD Cambodia​​ នេះមានសារៈសំខាន់ណាស់​ ក្នុងការផ្ដល់ឱកាសដល់និស្សិតក្នុងការផ្សារភ្ជាប់ទ្រឹស្តីទៅនឹងការអនុវត្តជាក់ស្ដែង ក្នុងន័យលើកកម្ពស់ចំណេះដឹង និងចំណេះធ្វើរបស់និស្សិត&nbsp;DMC&nbsp;ផ្ទាល់។​ ក្រៅតែពីការអនុវត្តជំនាញផលិតពហុមាតិកាផ្នែកប្រព័ន្ធផ្សព្វផ្សាយ និងជំនាញទំនាក់ទំនងបែបឌីជីថល ក្រុមនិស្សិតក៏នឹងមានឱកាសសិក្សាស្វែងយល់បន្ថែមទៀត លើប្រធានបទទាក់ទងនឹងការលើកកម្ពស់ការយល់ដឹងផ្នែកហិរញ្ញវត្ថុ និងជំងឺមហារីក​&nbsp;បន្ថែមលើអ្វីដែលពួកគេបានសិក្សា។ »</aside><label>— ប្រសាសន៍លោក អ៊ុង ប៊ុនអ៊ី</label></blockquote><figure style="text-align:center"><img src="https://cms.dmpcdn.com/article/2022/04/29/24670250-c7a3-11ec-80b4-e7aaf0ef9a03_original.jpeg" alt="រូបភាពក្នុងកម្មវិធី ចុះហត្ថលេខាលើអនុស្សរណៈ" style="width:100%"/><figcaption>រូបភាពក្នុងកម្មវិធី ចុះហត្ថលេខាលើអនុស្សរណៈ</figcaption></figure>លោក&nbsp;ចាន់ រដ្ឋា&nbsp;អគ្គនាយកក្រុមហ៊ុន&nbsp;FWD Cambodia&nbsp;បានមានប្រសាសន៍ថា៖&nbsp;<blockquote><aside>« កិច្ច​សហការ​រវាង​ក្រុម​ហ៊ុន​&nbsp;FWD Cambodia&nbsp;និង​ដេប៉ាតឺ​ម៉ង់​ប្រព័ន្ធ​ផ្សព្វ​ផ្សាយ​និង​សារគមនាគមន៍​គឺជា​ការ​បោះ​ជំហាន​ទៅមុខ​ដ៏​សំខាន់​មួយ​របស់​យើង​ក្នុង​ការ​ជួយ​លើក​កម្ពស់​ការ​យល់​ដឹងជា​សាធារណៈ​​ផ្នែក​ហិរញ្ញ​វត្ថុ​ និង​ជំងឺ​មហារីក​ តាមរយៈ​ខ្លឹម​សារ​ដ៏​សម្បូរ​បែប​ប្រកប​ដោយ​ការ​ច្នៃ​ប្រឌិតរបស់​និស្សិត​។​ ខ្ញុំមាន​សុទិដ្ឋិ​និយម​ថា​កិច្ច​សហការ​នេះ​នឹងរួម​ចំណែក​​ជួយ​ឱ្យ​យុវជន​ក៏​ដូចជា​ក្រុម​គ្រួ​សារ​ជា​ច្រើន​ក្នុង​ប្រទេស​កម្ពុជា​អាច​រស់​នៅ​បាន​ដោយ​ភាព​រីក​រាយ​តាមរយៈ​ការ​ចេះ​រៀប​​ចំ​ផែន​ការ​ហិរញ្ញ​វត្ថុ​ត្រឹម​ត្រូវ​ និង​ការ​ថែទាំ​សុខភាពឱ្យ​​បាន​ល្អជា​ពិសេស​​​ដើម្ប​​ការ​ពារ​ពី​ជំងឺ​មហារីក​។​ »​</aside><label>— ប្រសាសន៍លោក ចាន់ រដ្ឋា&nbsp;</label></blockquote>គួរបញ្ជាក់ផងដែរថា ការចុះអនុស្សរណៈនេះ ត្រូវបានធ្វើ​ឡើងនៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ (DMC)&nbsp;នៃសាកលវិទ្យាល័យភូមិន្ទភ្នំពេញ ដោយមានការ​អញ្ជើញចូលរួមពី&nbsp;លោក អ៊ុង ប៊ុនអ៊ី ប្រធានដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍&nbsp;លោក&nbsp;ចាន់ រដ្ឋា&nbsp;អគ្គនាយកក្រុមហ៊ុនធានារ៉ាប់រងអាយុជីវិត&nbsp;FWD Cambodia​&nbsp;សមាជិក​នៃ​គណៈ​គ្រប់​គ្រង​របស់&nbsp;FWD Cambodia&nbsp;រួមទាំងសាស្រ្តាចារ្យនិងនិស្សិតនៃដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ផងដែរ៕<figure style="text-align:center"><img src="https://cms.dmpcdn.com/article/2022/04/29/24d8d6f0-c7a3-11ec-8dd8-d77127f125f4_original.jpeg" alt="រូបភាពក្នុងកម្មវិធី ចុះហត្ថលេខាលើអនុស្សរណៈ" style="width:100%"/><figcaption>រូបភាពក្នុងកម្មវិធី ចុះហត្ថលេខាលើអនុស្សរណៈ</figcaption></figure><figure style="text-align:center"><img src="https://cms.dmpcdn.com/article/2022/04/29/25383500-c7a3-11ec-aae7-fdebe9002abd_original.jpeg" alt="រូបភាពក្នុងកម្មវិធី ចុះហត្ថលេខាលើអនុស្សរណៈ" style="width:100%"/><figcaption>រូបភាពក្នុងកម្មវិធី ចុះហត្ថលេខាលើអនុស្សរណៈ</figcaption></figure><figure style="text-align:center"><img src="https://cms.dmpcdn.com/article/2022/04/29/25af39c0-c7a3-11ec-80b4-e7aaf0ef9a03_original.jpeg" alt="រូបភាពក្នុងកម្មវិធី ចុះហត្ថលេខាលើអនុស្សរណៈ" style="width:100%"/><figcaption>រូបភាពក្នុងកម្មវិធី ចុះហត្ថលេខាលើអនុស្សរណៈ</figcaption></figure><figure style="text-align:center"><img src="https://cms.dmpcdn.com/article/2022/04/29/26124150-c7a3-11ec-9e00-6dd3138c1405_original.jpeg" alt="រូបភាពក្នុងកម្មវិធី ចុះហត្ថលេខាលើអនុស្សរណៈ" style="width:100%"/><figcaption>រូបភាពក្នុងកម្មវិធី ចុះហត្ថលេខាលើអនុស្សរណៈ</figcaption></figure><figure style="text-align:center"><img src="https://cms.dmpcdn.com/article/2022/04/29/2674fac0-c7a3-11ec-9e00-6dd3138c1405_original.jpeg" alt="រូបភាពក្នុងកម្មវិធី ចុះហត្ថលេខាលើអនុស្សរណៈ" style="width:100%"/><figcaption>រូបភាពក្នុងកម្មវិធី ចុះហត្ថលេខាលើអនុស្សរណៈ</figcaption></figure>

ពិធីចុះហត្ថលេខាលើអនុស្សរណៈនៃកិច្ចព្រមព្រៀង រវាងដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ (DMC) និងក្រុមហ៊ុនធានារ៉ាប់រងអាយុជីវិត FWD Cambodia