ខេត្តតាកែវ៖ កាលពីវេលារសៀលពីថ្ងៃទី១៤ខែកក្កដា ឆ្នាំ២០២១ ម្សិលមិញនេះ មានករណីរថយន្តពីរគ្រឿង គៀបជាប់គ្នានៅលើស្ពានមួយកន្លែងនៅក្នុងភូមិសាស្ត្រស្រុកត្រាំកក់ ខេត្តតាកែវ ដោយមានមហាជននាំគ្នារិះគន់ថាមកពីការបើកបរមិនមានការយោគយល់ អធ្យាស្រ័យគ្នា ហើយមកទល់ពេលនេះ ទម្លាក់កំហុសដាក់គ្នា។ក្នុងនោះ តាមប្រភពពីសមត្ថកិច្ចជំនាញ បានឱ្យដឹងថា កំហុសមកពីខាងរថយន្តធុនធំដែលបានបើកបរលឿន និង ជាន់ហ្វ្រាំងមិនស៊ី ជ្រុលទៅបុកចូលគន្លងនៃស្ពាន ហើយបណ្តាលឱ្យប៉ះនិងគៀបជាប់រថយន្ត Prius នៅលើស្ពាននោះតែម្តង។បើតាមការបកស្រាយឱ្យដឹងពីម្ចាស់ឡានតូចPrius បានបញ្ជាក់ថា រថយន្តរបស់ខ្លួន បានបើកចូលដល់លើស្ពានមុនប្រមាណ៣ម៉ែត្រហើយ ស្រាប់តែពេលនោះ រថយន្តធុនធំ បានបើកបោះពួយយ៉ាងលឿនហើយខ្លួនជាម្ចាស់រថយន្តតូចខំស៊ីផ្លេ និង វ៉ៃភ្លើងផង ប៉ុន្តែរថយន្តធំ នៅតែបើកសំដៅយ៉ាងលឿនមិនឈប់ពេលដែលម្ចាស់ឡានធំចុះមក បានប្រាប់ថាជាន់ហ្វ្រាំងមិនស៊ី។ ក្នុង​ពេល​កើត​ហេតុ​នោះ​ទៀតរថយន្ត​ធំ​នោះ​បាន​អូសឡាន​តូច​ថយ​ទៅ​ក្រោយ ទើប​ឃើញ​រូបភាព​បង្ហាញ​បែប​នេះ។ ដោយឡែក យោងតាមបញ្ជាក់របស់នាយកដ្ឋានសុវត្ថិភាពចរាចរណ៍ផ្លូវគោកនៅលើផេកហ្វេសប៊ុក នៅថ្ងៃទី១៥​ ខែកក្កដា ឆ្នាំ២០២១នេះ បានឱ្យដឹងថា ផ្អែកតាមមាត្រា២០ចំណុចទី៧ នៃច្បាប់ស្តីពីចរាចរណ៍ផ្លូវគោក បានចែងថា៖<ul><li>នៅលើស្ពានចង្អៀតដែលបើកបរបានតែរថយន្តមួយគ្រឿងយានយន្តធុនធំ ត្រូវទុកសិទ្ធិឱ្យយានយន្តធុនស្រាលទៅមុន។តែបើក្នុងករណីរថយន្តធុនធំបានទៅដល់លើស្ពានមុន រថយន្តធុនស្រាលត្រូវឈប់សិនរងចាំទាល់តែរថយន្តធុនធំឆ្លងផុតស្ពានមុនសិន៕</li></ul><figure style="text-align:center"><img src="https://cms.dmpcdn.com/article/2021/07/15/860a7290-e553-11eb-817b-17e2ded05283_original.jpg" alt="" style="width:100%"/></figure><figure style="text-align:center"><img src="https://cms.dmpcdn.com/article/2021/07/15/865229f0-e553-11eb-817b-17e2ded05283_original.jpg" alt="រថយន្តធំនិងតូចជាប់គៀប" style="width:100%"/><figcaption>រថយន្តធំនិងតូចជាប់គៀប</figcaption></figure><figure style="text-align:center"><img src="https://cms.dmpcdn.com/article/2021/07/15/86a6d9a0-e553-11eb-817b-17e2ded05283_original.jpg" alt="រថយន្តធំនិងតូចជាប់គៀប" style="width:100%"/><figcaption>រថយន្តធំនិងតូចជាប់គៀប</figcaption></figure><figure style="text-align:center"><img src="https://cms.dmpcdn.com/article/2021/07/15/871552e0-e553-11eb-b3f5-8140d94796e3_original.jpg" alt="រថយន្តធំនិងតូចជាប់គៀប" style="width:100%"/><figcaption>រថយន្តធំនិងតូចជាប់គៀប</figcaption></figure><figure style="text-align:center"><img src="https://cms.dmpcdn.com/article/2021/07/15/8751bfa0-e553-11eb-817b-17e2ded05283_original.jpg" alt="រថយន្តធំនិងតូចជាប់គៀប" style="width:100%"/><figcaption>រថយន្តធំនិងតូចជាប់គៀប</figcaption></figure>

ដឹងសខ្មៅហើយ! រឿងរ៉ាវករណីរថយន្តធំ និងឡានតូច ត្បុលឡើងលើស្ពាន តើខាងណាមានសិទ្ធិទៅមុន?