ភ្នំពេញ៖ ក្រសួងបរិស្ថាន កាលពីថ្ងៃទី១៤ ខែមករា ឆ្នាំ២០២២ នេះបានបង្ហាញពីទិន្នន័យនៃវត្តមានសត្វព្រៃជាច្រើនប្រភេទនៅក្នុងតំបន់ការពារធម្មជាតិរបស់ប្រទេសកម្ពុជាក្នុងភូមិសាស្ត្រខេត្តពោធិ៍សាត់ បាត់ដំបង និងខេត្តកោះកុង។​​ ឯកឧត្តម នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថានបានថ្លែងឱ្យដឹងថា ប្រភេទជិតផុតពូជ ប្រភេទទទួល​រងគ្រោះថ្នាក់ ប្រភេទទទួលគំរាមកំហែងចំនួន ១០ប្រភេទ ត្រូវបានកត់សម្គាល់តាមរយៈទិន្នន័យប្រមូលបានពីរូបថតម៉ាស៊ីនថតស្វ័យប្រវត្តិ​ ដែលមន្ត្រីជំនាញនៃក្រសួងបរិស្ថាន បានអនុវត្តសិក្សាក្រោមការគាំទ្រពីគម្រោងនិរន្តរភាពតំបន់ទេសភាព និងទេសចរណ៍ធម្មជាតិកម្ពុជា នៃក្រសួង​បរិស្ថាន។<figure style="text-align:center"><img src="https://cms.dmpcdn.com/article/2022/01/15/3c6b6300-75af-11ec-b576-afbb0a1303ef_original.png" alt="រូបភាព៖ ក្រសួងបរិស្ថាន" style="width:100%"/><figcaption>រូបភាព៖ ក្រសួងបរិស្ថាន</figcaption></figure>យោងតាមលទ្ធផលនៃការសិក្សារបស់គម្រោងនិរន្តរភាពតំបន់ទេសភាព និងទេសចរណ៍ធម្មជាតិកម្ពុជា នៃក្រសួង​បរិស្ថានរយៈពេល ២.៥ ខែពីចុងខែតុលាឆ្នាំ២០២១ ដល់ដើមខែមករា ឆ្នាំ២០២២ នេះ ក្រសួងបរិស្ថានបានរកឃើញ​វត្តមានប្រភេទសត្វព្រៃ​មាន​ដោយកម្រ ប្រភេទជិតផុតពូជ ប្រភេទទទួល​រងគ្រោះថ្នាក់ ប្រភេទទទួលគំរាមកំហែងចំនួន ១០ប្រភេទ រួមមាន៖ ដំរីអាស៊ី ខ្ទីង ប្រើសស្បូវ កែះ ខ្លាឃ្មុំតូច ខ្លាឃ្មុំធំ ឆ្កែព្រៃ ជ្រូកពោន ឬជ្រូកព្រុល សំពោចកលឿង និងស្វាត្រោស និងប្រភេទថនិកសត្វ បក្សីមួយចំនួនទៀតមានវត្តមាននៅក្នុងតំបន់ការពារធម្មជាតិ នៅក្នុងភូមិសាស្ត្រខេត្តពោធិ៍សាត់ ខេត្តបាត់ដំបង និងខេត្តកោះកុង។<figure style="text-align:center"><img src="https://cms.dmpcdn.com/article/2022/01/15/3db98de0-75af-11ec-b576-afbb0a1303ef_original.png" alt="រូបភាព៖ ក្រសួងបរិស្ថាន" style="width:100%"/><figcaption>រូបភាព៖ ក្រសួងបរិស្ថាន</figcaption></figure>លោកបានថ្លែងថាក្នុងការសិក្សាស្រាវជ្រាវនេះ ក្រុមមន្ត្រីជំនាញក្រសួងបរិស្ថានបានដាក់ម៉ាស៊ីនថតស្វ័យប្រវត្តិចំនួន ៤៩ទីតាំងដែលក្នុងនោះក្នុងដែនជម្រកសត្វព្រៃនៅខេត្តពោធិ៍សាត់ចំនួន ២៣ គ្រឿង ខេត្តបាត់ដំបងចំនួន ១៦ គ្រឿង និងខេត្តកោះកុងចំនួន១០ គ្រឿង ក្នុងគោលបំណងដើម្បី ១) បង្កើនចំណេះ​ដឹង​ពីវិធីសាស្រ្តសិក្សា​ និង​ប្រមូល​​ទិន្នន័យ​ជីវៈចម្រុះ ២) ស្វែងរកវត្តមាននិងអវត្តមានប្រភេទសត្វ​មាន​ដោយកម្រ ជិតផុតពូជ ទទួល​រងគ្រោះថ្នាក់ និងគំរាមកំហែង ៣)វាយតម្លៃស្ថានភាព និងរបាយសត្វព្រៃសំខាន់ៗ។<figure style="text-align:center"><img src="https://cms.dmpcdn.com/article/2022/01/15/3e64c200-75af-11ec-8066-ffb72c13e721_original.png" alt="រូបភាព៖ ក្រសួងបរិស្ថាន" style="width:100%"/><figcaption>រូបភាព៖ ក្រសួងបរិស្ថាន</figcaption></figure>គួរបញ្ជាក់ថា វាគឺជាលើកទី២ហើយក្នុងក្របខណ្ឌនៃគម្រោងនិរន្តរភាពតំបន់ទេសភាព និងទេសចរណ៍ធម្មជាតិកម្ពុជា មន្ត្រីជំនាញនៃក្រសួងបរិស្ថាន បានប្រមូលទិន្នន័យពីម៉ាស៊ីនថតស្វ័យប្រវត្តិទទួលបានរូបភាព និងវិដេអូសត្វព្រៃក្នុងតំបន់ការពារធម្មជាតិ។ ការប្រមូលទិន្នន័យលើកទី១ ធ្វើឡើងកាលពីថ្ងៃទី២៩ ខែឧសភា ដល់ថ្ងៃទី ០៤ ខែមិថុនា ឆ្នាំ២០២១ នៅដែនជម្រកសត្វព្រៃក្នុងភូមិសាស្រ្តខេត្តពោធិ៍សាត់ កំពង់ឆ្នាំង និងខេត្តកំពង់ស្ពឺ បន្ទាប់ពីបានដាក់ជាច្រើនខែរួចមក។ រូបភាពសត្វព្រៃជិតផុតពូជរងការគំរាមកំហែង និងមានដោយកម្រមួយចំនួន ដូចជាសត្វដំរីអាស៊ី ខ្លាពពក ខ្លាំឃ្មុំតូច ខ្ទីង ប្រើសដែលថតបានភាគច្រើនដើរជាហ្វូង និងមានកូនតូចៗជាច្រើន ពិសេសសត្វដំរីព្រៃក្នុងមួយហ្វូងមានកូនតូច ដំរីជំទង់ និងពេញវ័យក្នុងមួយក្រុមៗមានដំរីព្រៃចន្លោះពី១០ ទៅ២០ក្បាល៕<figure style="text-align:center"><img src="https://cms.dmpcdn.com/article/2022/01/15/3f3ece50-75af-11ec-b576-afbb0a1303ef_original.png" alt="រូបភាព៖ ក្រសួងបរិស្ថាន" style="width:100%"/><figcaption>រូបភាព៖ ក្រសួងបរិស្ថាន</figcaption></figure><figure style="text-align:center"><img src="https://cms.dmpcdn.com/article/2022/01/15/40255dc0-75af-11ec-b576-afbb0a1303ef_original.png" alt="រូបភាព៖ ក្រសួងបរិស្ថាន" style="width:100%"/><figcaption>រូបភាព៖ ក្រសួងបរិស្ថាន</figcaption></figure><figure style="text-align:center"><img src="https://cms.dmpcdn.com/article/2022/01/15/40d302e0-75af-11ec-8066-ffb72c13e721_original.png" alt="រូបភាព៖ ក្រសួងបរិស្ថាន" style="width:100%"/><figcaption>រូបភាព៖ ក្រសួងបរិស្ថាន</figcaption></figure><figure style="text-align:center"><img src="https://cms.dmpcdn.com/article/2022/01/15/416c83c0-75af-11ec-8066-ffb72c13e721_original.png" alt="រូបភាព៖ ក្រសួងបរិស្ថាន" style="width:100%"/><figcaption>រូបភាព៖ ក្រសួងបរិស្ថាន</figcaption></figure>

សត្វកម្រជាច្រើនប្រភេទ មានវត្តមាននៅក្នុងតំបន់ការពារធម្មជាតិ