ភ្នំពេញ៖ ឯកឧត្តម លឹមស៊ីដេនីន រដ្ឋលេខាធិការបានអញ្ជើញដឹកនាំក្រុមការងារបច្ចេកទេសចម្រុះចុះត្រួតពិនិត្យលក្ខណៈបច្ចេកទេសនិងតាមដានវឌ្ឍនភាពការងារសាងសង់ផ្លូវក្រវាត់ក្រុងទី៣ដើម្បីពិនិត្យវឌ្ឍនភាពការងារគម្រោងដែលកំពុងស្ថាបនា។ ការចុះត្រួតពិនិត្យនេះក៏ដើម្បីផ្តល់ធាតុចូលដល់ក្រុមការងាររៀបចំអភិវឌ្ឍមុខងារត្រួតពិនិត្យគុណភាពផ្លូវ (RoadCare Supervision) បន្ថែមលើកម្មវិធីថែទាំផ្លូវ(RoadCare Mobile App) ដែលកំពុងប្រើប្រាស់នាពេលបច្ចុប្បន្ន។ក្នុងដំណើរបេសកកម្មនេះក្រុមការងារអភិវឌ្ឍមុខងារត្រួតពិនិត្យគុណភាពផ្លូវ (Road Care Supervision) នៃអគ្គនាយកដ្ឋានបច្ចេកទេសនិងនាយកដ្ឋានព័ត៌មានវិទ្យា និងទំនាក់ទំនងសាធារណៈបានបានសិក្សាស្វែងយល់ទៅលើលំហូរការងារបច្ចេកទេស ដែលកំពុងអនុវត្តលើស្រទាប់តួផ្លូវគ្រឹះរង គ្រឹះសំខាន់ Prime Coat កម្រាលបេតុង និងសំណង់សិល្បការ្យមួយចំនួនទៀតផងដែរ។ ជាងនេះទៅទៀតក្រុមការងារក៏បានស្វែងយល់លើការងារពិសោធន៍មួយចំនួនដែលកំពុងអនុវត្តជាក់ស្តែងក្នុងការដ្ឋានដែលក្នុងនោះរួមមាន៖ការធ្វើពិសោធ Benkelman Beam Test ការចាក់សំណាកគំរូបេតុងសង្កត់ ការពិនិត្យលើកម្រាស់បេតុងការកាត់តំណបេតុង និងការថែទាំបេតុងក្រោយសាងសង់រួចជាដើម។យោងតាមរបាយការណ៍អគ្គនាយកដ្ឋានបច្ចេកទេសនៃក្រសួងសាធារណការ និងដឹកជញ្ជូនបានឱ្យដឹងថាវឌ្ឍនភាពការងារនៃគម្រោងស្ថាបនាផ្លូវក្រវាត់ក្រុងទី៣ គិតរហូតមកទល់ពេលនេះសម្រេចបាន ៧៣,៧០%ហើយ នៅសល់តែការងារដូរទំហំការងារស្ពាននៅប្រឡាយ៩៤ និងប្រឡាយ៩៦ការងារស្ពានរំលងត្រង់ផ្លូវជាតិលេខ៤ ការងារផ្លូវគីឡូម៉ែត្រ ០+០០ ដល់ គីឡូម៉ែត្រ៤+៩០០ ជាដើម ហើយគម្រោងនេះគ្រោងនឹងបញ្ចប់ការស្ថាបនាជាស្ថាពរនៅមុនខែកញ្ញាឆ្នាំ២០២៣ខាងមុខ៕<figure style="text-align:center"><img src="https://cms.dmpcdn.com/article/2022/05/27/c6bda900-dd60-11ec-ab81-6ff6bf923541_original.png" alt="" style="width:100%"/></figure><figure style="text-align:center"><img src="https://cms.dmpcdn.com/article/2022/05/27/c7f9d280-dd60-11ec-bb9f-4df86c6c90e1_original.png" alt="" style="width:100%"/></figure><figure style="text-align:center"><img src="https://cms.dmpcdn.com/article/2022/05/27/c90946b0-dd60-11ec-b01c-c5fece6609c6_original.png" alt="" style="width:100%"/></figure><figure style="text-align:center"><img src="https://cms.dmpcdn.com/article/2022/05/27/ca4bffe0-dd60-11ec-b01c-c5fece6609c6_original.png" alt="" style="width:100%"/></figure><figure style="text-align:center"><img src="https://cms.dmpcdn.com/article/2022/05/27/cc2812e0-dd60-11ec-ab81-6ff6bf923541_original.png" alt="" style="width:100%"/></figure><figure style="text-align:center"><img src="https://cms.dmpcdn.com/article/2022/05/27/cd683400-dd60-11ec-ab81-6ff6bf923541_original.png" alt="" style="width:100%"/></figure><figure style="text-align:center"><img src="https://cms.dmpcdn.com/article/2022/05/27/ce86c360-dd60-11ec-b989-c1d1136a2240_original.png" alt="" style="width:100%"/></figure><figure style="text-align:center"><img src="https://cms.dmpcdn.com/article/2022/05/27/cfa70070-dd60-11ec-bb9f-4df86c6c90e1_original.png" alt="" style="width:100%"/></figure><figure style="text-align:center"><img src="https://cms.dmpcdn.com/article/2022/05/27/d0d4f920-dd60-11ec-b01c-c5fece6609c6_original.png" alt="" style="width:100%"/></figure>

​គម្រោងស្ថាបនាផ្លូវក្រវាត់ក្រុងទី៣ សម្រេច​បាន ៧៣,៧០%ហើយ