ហ្សឺណែវ៖ អង្គការសុខភាពពិភពលោកហៅកាត់ (WHO) បាននិយាយថា ខ្លួនកំពុងដាក់ការឃ្លាំមើលវីរុស​កូវីដ១៩បំប្លែងប្រភេទថ្មីមានឈ្មោះថា Mu ដែលត្រូវបានគេរកឃើញដំបូង នៅក្នុងប្រទេសកូឡុំប៊ី កាលពីខែមករា។នេះបើតាមប្រភពព័ត៌មាន CNA។នៅក្នុង​សេចក្តីរាយការណ៍ពីរោគរាតត្បាតប្រចាំសប្តាហ៍ អង្គការ​ WHO បានលើកឡើងកាលពីថ្ងៃអង្គារ ទី៣១ខែសីហា ថា Mu ឬមានឈ្មោះវិទ្យាសាស្រ្តថា B.1.621 ត្រូវបានចាត់ថ្នាក់ជា «វីរុសបំប្លែងខ្លួន ដែលត្រូវតែផ្តោតការ​ចាប់អារម្មណ៍»។<figure style="text-align:center"><img src="https://cms.dmpcdn.com/article/2021/09/01/a4847a50-0afa-11ec-971f-f1c61e2060e3_original.png" alt="Mu ​ត្រូវបានគេរកឃើញដំបូង នៅក្នុងប្រទេសកូឡុំប៊ី" style="width:100%"/><figcaption>Mu ​ត្រូវបានគេរកឃើញដំបូង នៅក្នុងប្រទេសកូឡុំប៊ី</figcaption></figure>ស្ថាប័នសុខភាពជាសកលមួយនេះ បានលើកឡើងទៀតថា វីរុសនេះមានធាតុបំប្លែង ដែលបង្ហាញពីសញ្ញាហានិភ័យ ទៅនឹងភាពធន់ជាមួយនឹងវ៉ាក់សាំង ក៏ដូចជា​គេចប្រព័ន្ធភាពស៊ាំ​ និងបានសង្កត់ធ្ងន់ថា ចាំបាច់​ត្រូវតែមានការសិក្សាបន្ថែមទៀត&nbsp;​ដើម្បីស្វែងយល់ឲ្យកាន់តែច្បាស់ពី​វីរុសនេះ។គួរឱ្យដឹងដែរថា បច្ចុប្បន្ននេះ អង្គការសុខភាពពិភពលោកបានកំណត់អត្តសញ្ញាណ​វីរុសកូវីដ១៩បំប្លែងថ្មីគួរឱ្យព្រួយបារម្ភ​ ចំនួន៤ប្រភេទ រួម​បញ្ចូលទាំងវីរុស​បំប្លែងថ្មី Alpha ដែលមានវត្តមាននៅក្នុងប្រទេសចំនួន ១៩៣ និង​វីរុស​បំប្លែងថ្មីDelta ដែលមានវត្តមាននៅក្នុងប្រទេសចំនួន ១៧០។ ដោយឡែក វីរុសបំប្លែងទី៥ ដែលមានឈ្មោះថា Mu កំពុងត្រូវបានដាក់បញ្ចូលទៅក្នុងការឃ្លាំមើលមួយបន្ថែមទៀត&nbsp;បន្ទាប់ពីត្រូវបានគេរកឃើញដំបូងនៅក្នុងប្រទេសកូឡុំប៊ី​ នឹងបន្ត​លេចវត្ត​នៅ​បណ្តាប្រទេសក្នុងទ្វីបអាមេរិកខាងត្បូង​ និងនៅអឺរ៉ុប៕<figure style="text-align:center"><img src="https://cms.dmpcdn.com/article/2021/09/01/a507b410-0afa-11ec-b7c4-5d15834aed51_original.png" alt="វីរុសនេះមានធាតុបំប្លែង ដែលបង្ហាញពីសញ្ញាហានិភ័យ ទៅនឹងភាពធន់ជាមួយនឹងវ៉ាក់សាំង ក៏ដូចជា​គេចប្រព័ន្ធភាពស៊ាំ" style="width:100%"/><figcaption>វីរុសនេះមានធាតុបំប្លែង ដែលបង្ហាញពីសញ្ញាហានិភ័យ ទៅនឹងភាពធន់ជាមួយនឹងវ៉ាក់សាំង ក៏ដូចជា​គេចប្រព័ន្ធភាពស៊ាំ</figcaption></figure>

មួយមិនទាន់អស់ផង! ពេលនេះ WHO កំពុងដាក់ការតាមដានវីរុសបំប្លែង​ថ្មី​ ឈ្មោះថា Mu បន្ថែមទៀត