សម្ដេចតេជោ ហ៊ុន សែន អំពាវនាវឱ្យពលរដ្ឋ អនុវត្តវិធាន​ការបង្ការជំងឺកូវីដ១៩ ពេលទៅបោះឆ្នោត

ភ្នំពេញ៖ នៅរសៀលថ្ងៃទី០៣ខែមិថុនា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានអំពាវនាវដល់ប្រជាពលរដ្ឋឱ្យ​ចូលរួមអនុវត្តវិធាន​ការពារជំងឺកូវីដ១៩​ ដោយយកអាល់កុលលាងដៃទៅជាមួយ រក្សាគម្លាត និងពាក់ម៉ាស​ នៅពេលអញ្ជើញទៅបោះឆ្នោតជ្រើសរើសក្រុមប្រឹក្សាឃុំ/សង្កាត់អាណត្តិទី៥ នៅថ្ងៃអាទិត្យទី០៥ ខែមិថុនា ឆ្នាំ២០២២។

សម្តេចតេជោ ហ៊ុន សែន បានក្រើនរំលឹកថាបើទោះបីមិនមានការឆ្លងជំងឺកូវីដ១៩ រយៈពេលជាមួយខែទៅហើយក្តីតែក៏មិនអាចបោះបង់ចោលការអនុវត្តវិធានការពារជំងឺកូវីដ១៩នៅពេលមានការប្រមូលផ្តុំនោះឡើយ។

សម្ដេចតេជោ ហ៊ុន សែន បញ្ជាក់ថា ពិតមែនតែកាតព្វកិច្ចពាក់ម៉ាសត្រូវបានលើកលែង ក៏ប៉ុន្តែបើ​យើង​ពាក់ម៉ាស​ក៏ជាការល្អ ហើយរក្សាគម្លាតពីចន្លោះមួយទៅចន្លោះមួយ ក៏គួរតែត្រូវបានធ្វើ៕