ឥណ្ឌា៖ នៅថ្ងៃសៅរ៍​ ទី០១ ខែឧសភា ឆ្នាំ២០២១នេះក្រសួងសុខាភិបាលឥណ្ឌាបានប្រកាសរកឃើញករណីឆ្លងថ្មីជំងឺកូវីដ-១៩ រហូតដល់ទៅ ៤០១,៩៩៣នាក់ ក្នុងរយៈពេលតែ ២៤ម៉ោងប៉ុណ្ណោះ ខណៈមនុស្សចំនួន ៣,៥២៣នាក់បន្ថែមទៀត បានស្លាប់បាត់បង់ជីវិត។ តែទោះជាយ៉ាងណា អ្នកជំនាញជាច្រើនសង្ស័យថា ដោយសារធ្វើតេស្ដមិនបានអស់និងកត់ត្រាចំនួនអ្នកស្លាប់មិនបានត្រឹមត្រូវ ដូច្នេះចំនួនអ្នកឆ្លង និងស្លាប់ពិតប្រាកដមានច្រើនជាងនេះ។ហើយការផ្ទុះឡើងថ្មីយ៉ាងគំហុកនេះ បន្ទាប់ពីអាជ្ញាធរឥណ្ឌាបានកាត់បន្ថយការដើរល្បាតនិងបន្ធូរបន្ថយការរឹតត្បិតលើសកម្មភាពជាច្រើននៅដើមឆ្នាំ បន្ទាប់ពីមើលឃើញថាករណីឆ្លងបានធ្លាក់ចុះក្រោម១ម៉ឺននាក់ក្នុងមួយថ្ងៃ។​ មិនតែប៉ុណ្ណោះ ការប្រមូលផ្ដុំគ្នាធ្វើពិធីសាសនាធំៗជាច្រើននិងការឃោសនានយោបាយជាដើម ត្រូវបានអនុញ្ញាត ទោះបីចំនួនករណីឆ្លងចាប់ផ្ដើមកើនឡើងយ៉ាងខ្លាំងនៅចុងខែមីនាក៏ដោយ។ជាលទ្ធផល ដោយគិតតែចំពោះខែមេសាកន្លងទៅឥណ្ឌាបានកត់ត្រាចំនួនករណីឆ្លងថ្មីប្រមាណ ៧លាននាក់ឯណោះ ខណៈបច្ចុប្បន្នមានចំនួនឆ្លងសរុបប្រមាណ១៩.១លាននាក់ និងស្លាប់ជាង ២១ម៉ឺននាក់៕<figure style="text-align:center"><img src="https://cms.dmpcdn.com/article/2021/05/01/6d1321f0-aa53-11eb-ae11-cf473c2984b4_original.jpg" alt="នៅឥណ្ឌា" style="width:100%"/><figcaption>នៅឥណ្ឌា</figcaption></figure><figure style="text-align:center"><img src="https://cms.dmpcdn.com/article/2021/05/01/6d441d00-aa53-11eb-ae11-cf473c2984b4_original.jpg" alt="នៅឥណ្ឌា" style="width:100%"/><figcaption>នៅឥណ្ឌា</figcaption></figure><figure style="text-align:center"><img src="https://cms.dmpcdn.com/article/2021/05/01/6d79fa10-aa53-11eb-aea9-d55736cf826c_original.jpg" alt="នៅឥណ្ឌា" style="width:100%"/><figcaption>នៅឥណ្ឌា</figcaption></figure>ប្រភព៖ CNAចង់បានព័ត៌មានបន្ថែម និងរហ័ស សូមចុច៖&nbsp;<a target="_blank" href="https://t.me/khmerload?fbclid=IwAR20v08DCKRKw5gKHdgIcfPnrDwBQImdf8cncegJf446ygFe-hKvSUG0rkk">https://t.me/khmerload</a>

កំណត់ត្រាថ្មី! ឥណ្ឌារកឃើញអ្នកឆ្លងកូវីដ-១៩កាន់តែច្រើនជាងមុន ក្នុងរយៈពេល២៤ម៉ោង