ភ្នំពេញ៖ ព្រឹត្តិការណ៍ប្រកួតកីឡាសិស្សបឋមសិក្សាថ្នាក់ជាតិ ឆ្នាំ២០២២&nbsp;ដែលរៀបចំឡើងដោយក្រសួងអប់រំ&nbsp;យុវជន&nbsp;និងកីឡា&nbsp;សហការជាមួយ&nbsp;ម៉ៃឡូ&nbsp;បានបញ្ចប់ដោយជោគជ័យ។&nbsp;ការប្រកួតបានកំណត់យកវិញ្ញាសាដែលមានសក្តានុពលចំនួន៨ប្រភេទ រួមមាន៖&nbsp;កីឡាបាល់ទាត់ បាល់ទះ បាល់បោះ អត្តពលកម្ម វាយសីវាយកូនឃ្លីលើតុ តេក្វាន់ដូ WTF និងតេក្វាន់ដូ ITF ស្មើនឹង ៣៤ វិញ្ញាសា សរុប ៤២៩ មេដាយ ដែលមានប្រតិភូ គ្រូបង្វិក កីឡាករកីឡាការិនីចូលរួមប្រកួតសរុប ១៦៧៧ នាក់ ដែលបានអញ្ជើញមកពី ២៥ រាជធានី-ខេត្តទូទាំងប្រទេស។<figure style="text-align:center"><img src="https://cms.dmpcdn.com/article/2022/05/09/f7e9b400-cf7e-11ec-809e-bb992d480967_original.jpg" alt="" style="width:100%"/></figure>ជាលទ្ធផល&nbsp;ក្រុមកីឡាករមកពីខេត្តប៉ៃលិន&nbsp;បានឈ្នះមេដាយមាសច្រើនជាងគេ&nbsp;ពោលគឺសរុប&nbsp;១១ មេដាយ&nbsp;ក្នុងនោះ&nbsp;មាស៨&nbsp;និងសំរឹទ្ធិ៣&nbsp;លើម្ចាស់ផ្ទះរាជធានីភ្នំពេញ ដែលរកបានមេដាយសរុប&nbsp;១២&nbsp;ប៉ុន្តែឈ្នះមេដាយមាសតែ៤&nbsp;ប្រាក់៥&nbsp;និងសំរឹទ្ធិ៣&nbsp;ឯខេត្តស្ទឹងត្រែងវិញ​ រកបានមេដាយសរុប&nbsp;១៣&nbsp;មាស៣&nbsp;ប្រាក់៦&nbsp;និងសំរឹទ្ធិ៤។<figure style="text-align:center"><img src="https://cms.dmpcdn.com/article/2022/05/09/fa84aa30-cf7e-11ec-8d3c-0fc4433a4cc2_original.jpg" alt="" style="width:100%"/></figure>ឯកឧត្តម&nbsp;ប៊ូ&nbsp;ជុំសេរី&nbsp;អនុរដ្ឋលេខាធិការ&nbsp;តំណាងឯកឧត្តម&nbsp;ហង់ជួន&nbsp;ណារ៉ុន&nbsp;រដ្ឋមន្រ្តីក្រសួងអប់រំ&nbsp;យុវជន&nbsp;និងកីឡា&nbsp;មានប្រសាសន៍ថា៖<blockquote><aside> «យោងតាមការប្រកួតយ៉ាងសកម្ម&nbsp;និងស្វិតស្វាញ&nbsp;នៅលើទីលានប្រកួតទាំង៨&nbsp;ប្រភេទកីឡាកន្លងទៅនេះ&nbsp;យើងបានកត់សម្គាល់ឃើញថា&nbsp;ក្រុមកីឡាករ&nbsp;កីឡាការិនី&nbsp;តាមប្រភេទកីឡានីមួយៗ&nbsp;បានយកអស់កម្លាំងកាយ&nbsp;កម្លាំងចិត្ត&nbsp;ប្រឹងប្រែងអស់ពីសមត្ថភាព&nbsp;និងទេពកោសល្យរបស់ខ្លួន&nbsp;ក្នុងការប្រកួតប្រជែងប្រកបដោយទឹកចិត្តក្លៀវក្លាក្នុងនាមជាអ្នកកីឡា។&nbsp;កាយវិការដែលប្អូនៗកីឡាករ&nbsp;កីឡាការិនី&nbsp;បានអនុវត្តក្នុងការប្រកួត&nbsp;គឺពិតជាឈរលើស្មារតីទទួលខុសត្រូវ&nbsp;មានការគោរពវិន័យ&nbsp;អនុវត្តតាមបទបញ្ជាបច្ចេកទេស&nbsp;បង្ហាញពីក្តីស្រឡាញ់&nbsp;និងមានការយោគយល់&nbsp;អធ្យាស្រ័យគ្នា។&nbsp;នេះបញ្ជាក់ថាប្អូនៗជាកីឡាករ&nbsp;កីឡាការិនីយល់យ៉ាងច្បាស់នូវមនសិកាកីឡា&nbsp;និងបានផ្សាភ្ជាប់យ៉ាងជិតស្និទ្ធនូវចំណងសាមគ្គីភាព&nbsp;ភាតរភាព&nbsp;និងការយោគយល់គ្នា&nbsp;ដែលជាគំរូមួយដ៏ល្អសម្រាប់អនាគតប្រទេសកម្ពុជា»។</aside></blockquote><figure style="text-align:center"><img src="https://cms.dmpcdn.com/article/2022/05/09/fcbbae70-cf7e-11ec-bfb3-43dd3caf9f2a_original.jpg" alt="" style="width:100%"/></figure>ម៉ៃឡូ&nbsp;សូមអបអរសាទរចំពោះអត្តពលិកវ័យក្មេងទាំងអស់ ដែលបានខិតខំប្រឹងប្រែងអស់ពីសមត្ថភាពក្នុងពេលប្រកួតដោយឈរលើគោលការណ៍គោរពគ្នាទៅវិញទៅមក ទំនួលខុសត្រូវលើខ្លួនឯង និងអនុវត្តតាមច្បាប់នៃការប្រកួតបានយ៉ាងល្អប្រសើរ។យើងជឿថា «កីឡា&nbsp;គឺជាគ្រូដ៏អស្ចារ្យ» ហើយកុមារ&nbsp;​នឹង «រីកចម្រើនជាមួយកីឡា» ។ កីឡា&nbsp;បានបង្រៀនកុមារ​ឲ្យយល់ដឹងអំពីគុណតម្លៃ​និងជំនាញដែលអាចជួយពួកគេឲ្យទទួលបានភាពជោគជ័យក្នុងអាជីព និង​ជីវិតរបស់ពួកគេ។<figure style="text-align:center"><img src="https://cms.dmpcdn.com/article/2022/05/09/fe7a2750-cf7e-11ec-92a2-bb649d034ece_original.jpg" alt="" style="width:100%"/></figure><figure style="text-align:center"><img src="https://cms.dmpcdn.com/article/2022/05/09/00a17420-cf7f-11ec-b9e9-87aa40568e37_original.jpg" alt="" style="width:100%"/></figure>ម៉ៃឡូ ពិតជាមានមោទនភាពណាស់ដែលបានចូលរួមលើកម្ពស់សុខភាពនិងផ្តល់អាហារូបត្ថម្ភល្អៗដល់កុមារនៅកម្ពុជាដោយយកចិត្តទុកបំផុតតាំងពីឆ្នាំ២០១៧ មក។&nbsp;នេះបានឆ្លុះបញ្ចាំងពីគោលបំណងរបស់Nestlé ក្នុងការបង្កើនគុណភាពជីវិត សម្រាប់មនុស្សគ្រប់គ្នានាពេលបច្ចុប្បន្ននេះនិងសម្រាប់មនុស្សជំនាន់ក្រោយ ប្រកបដោយសុខភាពល្អប្រសើរតាមរយៈការផ្តល់អាហារដែលមានគុណភាព»៕<figure style="text-align:center"><img src="https://cms.dmpcdn.com/article/2022/05/09/02b4ead0-cf7f-11ec-809e-bb992d480967_original.jpg" alt="" style="width:100%"/></figure><figure style="text-align:center"><img src="https://cms.dmpcdn.com/article/2022/05/09/05bb7410-cf7f-11ec-981b-476f2de1a66b_original.jpg" alt="" style="width:100%"/></figure>

ការប្រកួតកីឡាសិស្សបឋមសិក្សាថ្នាក់ជាតិ ឆ្នាំ២០២២ បានបញ្ចប់ដោយជោគជ័យក្រោមកិច្ចសហការរវាងក្រសួងអប់រំ យុវជន និងកីឡា  ជាមួយ ម៉ៃឡូ!