ម៉ានីល៖មន្ត្រីក្រសួងសុខាភិបាលហ្វីលីពីន បានប្រកាសនៅថ្ងៃសុក្រនេះថា ហ្វីលីពីន​រកឃើញករណីឆ្លងជាលើកដំបូង​នៃជំងឺអុតស្វា ​នៅលើពលរដ្ឋម្នាក់ ដែលបានធ្វើដំណើរត្រឡប់មកពីបរទេស កាលពីដើមខែ​កក្កដា។នេះបើតាមប្រភពព័ត៌មាន Retuers។អនុរដ្ឋលេខាធិការ ក្រសួងសុខាភិបាលលោកស្រី Beverly Ho បានគូសបញ្ជាក់ថា ​អ្នកជំងឺវ័យ ៣១ឆ្នាំរូបនេះធ្លាប់បានធ្វើដំណើរទៅ បណ្តាប្រទេស​ដែលមានករណីជំងឺអុតស្វា ប៉ុន្តែលោកស្រីមិនបានបញ្ជាក់ឱ្យចំ ថាមានប្រទេសណាខ្លះឡើយ។ ជាមួយគ្នានេះ មនុស្សចំនួន ១០នាក់ផ្សេងទៀតដែល​មានទំនាក់ទំនងជិតស្និទ្ធ​ ​ក៏តម្រូវឱ្យធ្វើ​ចត្តាឡីស័កផងដែរ ទោះមិន​ឃើញបង្ហាញរោគសញ្ញាសង្ស័យណាមួយក្តី។​គួរឱ្យដឹងដែរថាគិតមកដល់ពេលនេះ ជំងឺអុតស្វាត្រូវបានរកឃើញនៅក្នុងប្រទេស​ចំនួន ៧០​មកហើយនៅទូទាំងពិភពលោកខណៈករណីឆ្លងបន្តកើនឡើង​ដល់ទៅ ២០,៣០០នាក់។ ​កាលពីថ្ងៃសៅរ៍កន្លងទៅ ​អង្គការ​សុខភាព​ពិភពលោក​ បាន​ប្រកាស​ការ​ផ្ទុះ​ជំងឺ​នេះ ​ជា​ភាពអាសន្ន​សុខភាព​ពិភពលោក៕<figure style="text-align:center"><img src="https://cms.dmpcdn.com/article/2022/07/29/e07c3210-0f1c-11ed-a2f8-298763e4aa88_original.png" alt="" style="width:100%"/></figure>

ហ្វីលីពីន ​រកឃើញ​ជំ.ងឺអុ.តស្វា ជាលើកដំបូង ខណៈមនុស្ស​ ១០នាក់ ជាប់ពាក់ព័ន្ធជិតស្និទ្ធ