ឥណ្ឌា៖ យោងតាមការរាយការណ៍របស់សារព័ត៌មានឥណ្ឌាThe Indian&nbsp;EXPRESS បានឱ្យដឹងនៅថ្ងៃចន្ទនេះថា មនុស្សជាង ៣០០ នាក់បានធ្លាក់ខ្លួនឈឺ និង ១នាក់បានស្លាប់ ដោយគ្មានមូលហេតុនៅក្នុងតំបន់ Eluru ក្នុងរដ្ឋAndhra Pradesh ភាគអាគ្នេយ៍ប្រទេសឥណ្ឌា។ក្នុងចំណោមអ្នកឆ្លងជំងឺទាំង ៣០០នាក់ មានអ្នកជំងឺប្រហែល ១៤០នាក់ ត្រូវបានបញ្ជូនទៅមន្ទីរពេទ្យ បន្ទាប់ពីចេញរោគសញ្ញាមួយចំនួនរួមមានក្អួតចង្អោរ ប្រកាច់ និងសន្លប់។ ហើយក្នុងនោះមួយភាគធំនៃអ្នកដែលធ្លាក់ខ្លួនឈឺ គឺជាកុមារ ដែលខ្លះមានអាយុត្រឹម៤ឆ្នាំប៉ុណ្ណោះ។មន្រ្តីពេទ្យម្នាក់ដែលធ្វើការព្យាបាលអ្នកជំងឺពាក់ព័ន្ធនឹងករណីនេះ បានគូសបញ្ជាក់ឱ្យដឹងថា៖<blockquote><aside>អ្នកដែលធ្លាក់ខ្លួនឈឺជាពិសេសក្មេងៗ បានចាប់ផ្តើមក្អួតបន្ទាប់ពីត្អូញត្អែរថាឈឺភ្នែក។ ខ្លះបានដួលសន្លប់​ និងខ្លះទៀតប្រកាច់ ខ្លះស្ថិតក្នុងស្ថានភាពធ្ងន់ធ្ងរនៅពេលបញ្ជូនមកដល់មន្ទីរពេទ្យ។ ប៉ុន្តែឥឡូវនេះសុខភាពរបស់ពួកគេមានភាពប្រសើរឡើងវិញហើយ។</aside><label>— សំដីរបស់មន្រ្តីពេទ្យ នៅមន្ទីរពេទ្យមួយក្នុងរដ្ឋ&nbsp;&nbsp;Andhra Pradesh </label></blockquote>ទន្ទឹមនឹងនេះប្រព័ន្ធផ្សព្វផ្សាយក្នុងស្រុកក៏បានរាយការណ៍ឱ្យដឹងផងដែរថា អ្នកជំងឺបានធ្វើតេស្តរកវីរុសកូវីដ១៩ រួចមកហើយ ដោយលទ្ធផលគឺអវិជ្ជមាន។ ក្នុងនោះ រដ្ឋមន្រ្តីសុខាភិបាល លោក Alla Kali KrishnaSrinivas បានមានប្រសាសន៍ថា សំណាកឈាមមិនបានរកឃើញភ័ស្តុតាងណាមួយ បញ្ជាក់ពីការឆ្លងវីរុសកូវីដនោះទេ។រីឯមូលហេតុទាក់ទងនឹងការធ្លាក់ខ្លួនឈឺនេះ មិនទាន់ត្រូវបានគេកំណត់នៅឡើយទេប៉ុន្តែគេសន្មត់ថា វាអាចនឹងបណ្តាលមកពីការបំពុលទឹក និងខ្យល់៕<figure><img src="https://cms.dmpcdn.com/article/2020/12/07/b9fb03f0-3840-11eb-9b6d-3fdf37c2e48e_original.jpg" alt="" style="width:100%"/></figure><figure><img src="https://cms.dmpcdn.com/article/2020/12/07/ba3bdd80-3840-11eb-80e3-2fbf2839b261_original.jpeg" alt="" style="width:100%"/></figure><figure><img src="https://cms.dmpcdn.com/article/2020/12/07/ba742b90-3840-11eb-80e3-2fbf2839b261_original.jpg" alt="" style="width:100%"/></figure><figure><img src="https://s9.kh1.co/aa/aab2ca24f6db971e8b72cc304602cc5c4ff51a4d.webp" alt="" style="width:100%"/></figure><figure><img src="https://cms.dmpcdn.com/article/2020/12/07/bad5faa0-3840-11eb-80e3-2fbf2839b261_original.jpg" alt="" style="width:100%"/></figure><figure><img src="https://cms.dmpcdn.com/article/2020/12/07/bb218290-3840-11eb-9b6d-3fdf37c2e48e_original.jpg" alt="" style="width:100%"/></figure>

ចម្លែក! មនុស្សជាង ៣០០នាក់ បានធ្លាក់ខ្លួនឈឺដោយគ្មានមូលហេតុនៅឥណ្ឌា ខណៈវីរុសកូវីដ១៩ កំពុងរាតត្បាត