ម្សិលមិញនេះ មានខេត្ដចំនួន ៤ រកឃើញអ្នកឆ្លងកូវីដ-១៩ថ្មី ច្រើនជាង ៤០ករណីក្នុងមួយថ្ងៃ

កម្ពុជា៖ ចំនួនករណីឆ្លងប្រចាំថ្ងៃនៃជំងឺកូវីដ-១៩ នៅក្នុងប្រទេសកម្ពុជា ក្នុងរយៈពេលចុងក្រោយនេះ ហាក់ហក់ឡើងបន្ដិចវិញ គួរឲ្យកត់សម្គាល់ ហើយក្រៅតែពីរាជធានីភ្នំពេញ នៅតាមបណ្ដាខេត្ដនានាផ្សេងទៀត ក៏បានរកឃើញករណីឆ្លងថ្មីច្រើន និងស្ទើររៀងរាល់ថ្ងៃផងដែរ​។ ជាក់ស្ដែង នៅថ្ងៃទី០៦ ខែមិថុនា ឆ្នាំ២០២១ ម្សិលមិញនេះ ឃើញថាមានខេត្ដចំនួន ៤ បានរកឃើញករណីឆ្លងថ្មីច្រើនជាង ៤០ ករណី ដែលរួមមានខេត្ដ៖ 

១. ខេត្ដសៀមរាប 

រកឃើញអ្នកវិជ្ជមានជំងឺកូវីដ-១៩ ថ្មី ចំនួន ៤៦នាក់ និងជាសះស្បើយអ្នកវិជ្ជមានជំងឺកូវីដ-១៩ ចំនួន ៣នាក់។

២. ខេត្ដព្រៃវែង

រកឃើញករណីអ្នកវិជ្ជមានកូវីដ-១៩ ចំនួន៥០នាក់ បន្ថែមទៀត តាមរយៈការធ្វើតេស្តរហ័ស។

៣. ខេត្ដស្វាយរៀង

រកឃើញអ្នកមានវិជ្ជមានជំងឺកូវីដ-១៩ ចំនួន ៤១នាក់។

៤. ខេត្តកំពត

រកឃើញករណីវិជ្ជមានកូវីដ-១៩ថ្មីចំនួន ៤៩ នាក់។

ប្រភព៖ ទទក