ភ្នំពេញ៖ ក្រុមហ៊ុន HEINEKEN Cambodia កំពុង​អះអាង​ជាថ្មី​អំពីការ​ប្តេជ្ញាចិត្ត​របស់ខ្លួន​ ក្នុងការ​ដោះស្រាយ“ភាពអាសន្ន​អាកាសធាតុ” របស់ពិភពលោក តាមរយៈការ​ឧបត្ថម្ភ​​ និង​ការ​ចូលរួមចំណែក​ដល់​កិច្ចប្រជុំ​កំពូល ​ការ​ប្រែ​ប្រួល​អាកាសធាតុ​កម្ពុជា​​ឆ្នាំ​២០២១(CCCS21) ដែលជា​កិច្ចប្រជុំ​កំពូល​​លើកដំបូង​របស់​​កម្ពុជា។កិច្ចប្រជុំ CCCS21 ដែលមាន​រយៈពេល​មួយថ្ងៃនេះ និង​រៀបចំឡើង​ដោយក្រសួង​បរិស្ថាន(MoE) ក្រោម​ការ​​​សហការ​ជាមួយ​វិទ្យាស្ថាន​ MekongFuture Institute មានការ​ចូលពីក្រុម​អ្នកជំនាញ អ្នក​បម្រើ​ការងារ​​ក្នុង​វិស័យ​ប្រែប្រួលអាកាសធាតុអង្គការ​​សង្គមស៊ីវិល និងក្រុមហ៊ុន​​អាជីវកម្មជាច្រើន​​ ដើម្បី​បង្ហាញ​កិច្ចប្រឹង​ប្រែង​របស់​កម្ពុជា​ឆ្ពោះទៅ​រក​និរន្តរភាពនិង​ការកាត់​បន្ថយ​ផល​ប៉ះពាល់​ការ​ប្រែ​ប្រួល​អាកាសធាតុ។លោកស្រី Anne Ollivier នាយក​​ផ្នែក​កិច្ចការ​សាជីវកម្ម​របស់​ក្រុមហ៊ុនHEINEKEN Cambodia បាន​ធ្វើ​ជា​​តំណាង​របស់ក្រុមហ៊ុន HEINEKENCambodia ដើម្បីលើកឡើង​​ពី​ការ​ប្តេជ្ញាចិត្ត​របស់ក្រុមហ៊ុន​ផលិត​​ស្រាបៀរ​មួយ​នេះ​ ចំពោះការ​ដោះ​ស្រាយ​ការ​ប្រែ​ប្រួលអាកាសធាតុ។លោកស្រី Ollivier បាន​រំលេច​គោល​នយោ​បាយ​​របស់​ក្រុមហ៊ុន ​​ព្រមទាំង​ការ​វិនិយោគ​របស់​ក្រុមហ៊ុន​ លើ​ថាមពល​កកើត​ឡើង​វិញ​ផងដែរ។<figure style="text-align:center"><img src="https://cms.dmpcdn.com/article/2021/09/28/8c8cea40-203a-11ec-b0f3-d5289b04e044_original.jpg" alt="&amp;nbsp; លោកស្រី&amp;nbsp;Anne Ollivier" style="width:100%"/><figcaption>&nbsp; លោកស្រី&nbsp;Anne Ollivier</figcaption></figure>លោកស្រីOllivier បានមាន​ប្រសាសន៍ថា៖<blockquote><aside>« អព្យាក្រឹត្យភាពកាបូន​មិនមែនជាអ្វី​​ថ្មី​ទេ​សម្រាប់​ក្រុមហ៊ុន HEINEKEN។យើង​កំពុង​កាត់បន្ថយ​ការ​ប្រើប្រាស់ថាមពលរបស់​ក្រុមហ៊ុនរបស់​យើង​ នៅទូទាំង​ពិភព​លោកហើយ​យើង​ក៏​កំពុង​ធ្វើ​ដូច​គ្នា​នេះផងដែរ​ក្នុងប្រទេស​កម្ពុជា​ ក្នុង​រយៈពេល​ប៉ុន្មាន​ទសវត្សរ៍​មក​នេះ។យើង​ក៏បាន​ចាប់​ផ្តើមវិនិយោគ​លើ​ដំណោះស្រាយ​ថាមពល​កកើត​ឡើងវិញ​ផងដែរ ​ក្នុង​រយៈពេល​ប៉ុន្មាន​ឆ្នាំមកនេះ ​ដែលជា​ផ្នែក​មួយ​នៃ​យុទ្ធសាស្រ្ត​អភិវឌ្ឍន៍ប្រកប​ដោយ​និរន្តរភាពរបស់​យើងហៅថាចូល​រួម​អភិវឌ្ឍ​ពិភព​លោក​ដ៏​ល្អ​ប្រសើរ ដែល​បានដាក់ដំណើរ​ការក្នុង​ឆ្នាំ​២០១០។យុទ្ធសាស្ត្រ​នេះ​ក៏អនុវត្ត​ផង​ដែរ​​ចំពោះ​​កម្ពុជា» ។</aside><label>— ប្រសាសន៍លោកស្រី&nbsp;Anne Ollivier</label></blockquote>គិត​ត្រឹមឆ្នាំ​២០១៣ ក្រុមហ៊ុន HEINEKEN Cambodiaបានកាត់​បន្ថយ​ការ​បញ្ចេញ​ឧស្ម័ន​កាបូន​របស់​ខ្លួន​​បាន ៥០%។ក្រុមហ៊ុន HEINEKEN Cambodia បានវិនិយោគ​ទឹក​ប្រាក់​រាប់លានដុល្លារ​ លើ​រោងចក្រ​ប្រព្រឹត្តកម្ម​សំណល់​រាវ​ នៅ​ក្នុង​រោងចក្រ​ផលិតស្រាបៀរ​របស់ក្រុមហ៊ុន​ក្នុងរាជធានី​ភ្នំពេញ។ជីវឧស្ម័ន​ដែល​បញ្ចេញដោយ​ការ​​ដំឡើង​រោងចក្រ​ប្រព្រឹត្តកម្ម​​សំណល់​រាវ​នេះ ​កំពុង​ត្រូវបានប្រើប្រាស់​ធ្វើជា​ថាមពល​កម្តៅ​​​ក្នុង​ប្រតិបត្តិការ​​​ផលិត​ស្រាបៀរ​របស់​ក្រុមហ៊ុន&nbsp; ដែលជា​ថាមពល​កកើតឡើងវិញមួយ ​ក្នុង​ចំណោម​ថាម​ពល​កកើត​ឡើងវិញ​ផ្សេងៗទៀត។ ក្រៅពីនេះក្រុមហ៊ុនផលិត​ស្រាបៀរ​មួយ​នេះ​បាន​រៀបចំ​ការ​សាង​សង់​រោងចក្រជីវម៉ាសផងដែរ។លោកស្រី Ollivier បាន​បន្ត​ថា៖<blockquote><aside>« ប៉ុន្តែ​យើង​ក៏​ទទួលស្គាល់ផងដែរថា មានការងារជាច្រើនទៀត​ដែល​ត្រូវធ្វើ។ហើយ​យើង​ប្តេជ្ញា​ចិត្ត​ពន្លឿន​សកម្មភាពរបស់​យើង​ ដើម្បីដោះស្រាយ​ការ​ប្រែ​ប្រួល​អាកាសធាតុដើម្បី​ឆ្លើយ​តបទៅនឹង​គោលដៅ ១,៥អង្សាសេ​ដែល​កំណត់ដោយ​កិច្ចព្រមព្រៀងទីក្រុង​ប៉ារីស» ។</aside><label>— &nbsp; ប្រសាសន៍លោកស្រី&nbsp;Anne Ollivier</label></blockquote>កាលពីខែ​មេសាឆ្នាំមុនក្រុមហ៊ុន​ផលិត​ស្រាបៀរ​លំដាប់ពិភពលោក​មួយនេះ ​បាន​បង្ហាញ​គោលបំណង​ថ្មីៗ​នៅ​អន្តរជាតិនិង​ក្នុង​ប្រទេស​កម្ពុជា​ ដើម្បី​សម្រេច​បាន​ផែន​ការ​​​បញ្ចេញឧស្ម័ន​កាបូនសូន្យ ​នៅក្នុង​ផលិតកម្ម​ផ្ទាល់​របស់ខ្លួន​ នៅ​ត្រឹម​ឆ្នាំ​២០៣០។<figure style="text-align:center"><img src="https://cms.dmpcdn.com/article/2021/09/28/8ce25d40-203a-11ec-9346-6f50de6452df_original.jpg" alt="HEINEKEN Cambodia&amp;nbsp;ប្តេជ្ញាចិត្ត​ក្នុងការ​ដោះ​ស្រាយ​ “ការ​ប្រែប្រួលអាកាសធាតុ”" style="width:100%"/><figcaption>HEINEKEN Cambodia&nbsp;ប្តេជ្ញាចិត្ត​ក្នុងការ​ដោះ​ស្រាយ​ “ការ​ប្រែប្រួលអាកាសធាតុ”</figcaption></figure>ក្នុងភាពជាដៃគូជិត​ស្និទ្ធ​ជាមួយ​ក្រុមហ៊ុន​​ផ្គត់ផ្គង់​នានាក្រុមហ៊ុន HEINEKEN មានបំណង​កាត់​បន្ថយការ​បញ្ចេញកាបូន​ឱ្យបាន ៣០% នៅត្រឹមឆ្នាំ២០៣០នៅទូទាំង​ចង្វាក់​តម្លៃ​ទាំងមូល (value chain) ​របស់ខ្លួន​ធៀប​នឹង​ឆ្នាំ​២០១៨។នៅឆ្នាំ ២០៤០ ក្រុមហ៊ុន​មានបំណង​សម្រេច​ឱ្យ​បាន​អព្យាក្រឹត្យ​ភាព​​កាបូន​ នៅក្នុង​ចង្វាក់​តម្លៃ​ទាំង​ស្រុង​របស់ខ្លួន។ក្រុមហ៊ុន​កំពុង​ចាត់​វិធានការ​ផ្អែកលើវិទ្យាសាស្រ្ត ​តាម​រយៈការ​ធ្វើការងារ​យ៉ាង​ជិត​ស្និទ្ធ​ជាមួយ​គំនិត​ផ្តួច​ផ្តើម​ទិសដៅ​ ផ្អែក​លើវិទ្យាសាស្រ្ត(Science Based Targets)ដើម្បី​បញ្ជាក់​ពី​​ការ​ប្តេជ្ញាចិត្ត​ថ្មី​របស់​ក្រុមហ៊ុន។លោកស្រី Ollivier បានបន្ថែមថា៖ <blockquote><aside>« ក្នុង​នាមជាក្រុមហ៊ុន​ឈាន​មុខ​គេ​មួយ​ក្នុង​ប្រទេសនិង​ជា​ម៉ាក​យីហោ​​ក្នុង​ស្រុក​មួយ​ ដែលមានការ​គាំទ្រ​ជាលក្ខណៈអន្តរជាតិ​ពីក្រុមហ៊ុន​មេ​លំដាប់ពិភពលោករបស់​យើងក្រុមហ៊ុន HEINEKEN Cambodia ជឿ​ជាក់ថាក្រុមហ៊ុន​មានភារកិច្ច​ដើម្បីជំរុញ និង​បង្ហាញ​ទៅ​កាន់​អ្នក​ផ្សេង​ទៀត​ថាវាអាច​សម្រេច​បានយ៉ាង​ពិត​ប្រាកដ» ។</aside><label>— &nbsp; ប្រសាសន៍លោកស្រី&nbsp;Anne Ollivier</label></blockquote>ក្រៅ​ពី​អព្យាក្រឹត្យភាពកាបូនក្រុមហ៊ុន HEINEKENក៏​កំពុង​កាត់បន្ថយ​ការ​ប្រើប្រាស់ទឹក​សម្រាប់​ក្រុមហ៊ុន និង​​ការ​ប្រើប្រាស់ទឹក​ឡើង​វិញ​ផងដែរ។គោលបំណង​របស់ក្រុមហ៊ុន គឺ​ជំរុញ​ឱ្យ​មាន​ពិភពលោក​មួយ​ប្រកប​ដោយ​បរិយាបន្ន ស្មើភាពនិង​​​សមធម៌ ខណៈដែល​ក្រុមហ៊ុន​ក៏​តស៊ូ​មតិ​ឱ្យ​ពិសារ​គ្រឿង​ស្រវឹង​ក្នុង​កម្រិត​សម​ស្រប។ទាំង​នេះ​គឺជា​សរសរស្តម្ភ​ពីរ​ផ្សេង​ទៀត​នៃ​គោលបំណង “ចូល​រួម​អភិវឌ្ឍ​កម្ពុជា​​ដ៏​ល្អ​ប្រសើរ”របស់ក្រុមហ៊ុន៕

ក្រុមហ៊ុន HEINEKEN Cambodia អះអាងជាថ្មី​អំពីការប្តេជ្ញាចិត្ត​ក្នុងការ​ដោះ​ស្រាយ​ “ការ​ប្រែប្រួលអាកាសធាតុ” ជាមួយ​នឹងការ​ឧបត្ថម្ភ​ដល់​​​កិច្ចប្រជុំ​កំពូល ​ការប្រែ​ប្រួលអាកាសធាតុ​លើកដំបូង​ របស់កម្ពុជា