អាមេរិក៖ យោងតាមការចុះផ្សាយរបស់សារព័ត៌មាន INDEPENDENT បានឱ្យដឹងថាប្រធានាធិបតីជាប់ឆ្នោតលោក ចូ បៃដិន បានរំពឹងថា លោក ដូណាល់ ត្រាំ នឹងអញ្ជើញមកចូលរួមក្នុងពិធីផ្ទេរតំណែងរបស់លោកនៅខែក្រោយដើម្បីបង្ហាញពីឆន្ទៈផ្ទេរអំណាចដោយសន្តិវិធី។លោក ចូ បៃដិន បានគូសបញ្ជាក់ពីសារៈសំខាន់នៃវត្តមានរបស់លោក ដូណាល់ ត្រាំ ដូច្នេះថា៖<blockquote><aside>វត្តមានរបស់លោក ត្រាំ ក្នុងពិធីឡើងកាន់តំណែងរបស់ខ្ញុំនាពេលខាងមុខនេះ ពិតជាមានសារៈសំខាន់ក្នុងហេតុផលមួយ មិនមែនក្នុងន័យផ្ទាល់ខ្លួនទេ តែក្នុងន័យថា តើយើងអាចបង្ហាញលទ្ធផលចុងបញ្ចប់នៃភាពវឹកវរដែលលោក ត្រាំ បានបង្កើតឡើងបានឬទេ។ ខ្ញុំរំពឹងចង់បានការផ្ទេរអំណាចមួយដោយសន្តិវិធីជាមួយគូប្រជែង មានការចាប់ដៃអបអរគ្នា និងបន្តដឹកនាំប្រទេសអាមេរិកតទៅមុខទៀត។</aside><label>— លោក ចូ បៃដិន</label></blockquote>លោកក៏បានបន្ថែមថា៖<blockquote><aside>វាជាការសម្រេចចិត្តផ្ទាល់របស់លោក ដូណាល់ ត្រាំ ក្នុងការចូលរួមឬក៏អត់ ហើយវាមិនមានផលប៉ះពាល់អ្វីទេចំពោះខ្ញុំ ប៉ុន្តែវាពិតជាមានសារៈសំខាន់ណាស់សម្រាប់ប្រទេសជាតិ។</aside><label>— លោក ចូ បៃដិន</label></blockquote>យ៉ាងណាមិញ លោកត្រាំ នៅមិនទាន់ធ្វើការឆ្លើយតបចំពោះការចូលរួមរបស់លោកនៅឡើយទេ។ ប៉ុន្តែតាមការរាយការណ៍របស់សារព័ត៌មាន NBCបានឱ្យដឹងថា លោក ត្រាំមានគម្រោងនឹងមិនមកចូលរួម ហើយលោកថែមទាំងនឹងមិនអញ្ជើញលោក ចូបៃដិន និង ភរិយា មកសេតវិមានមុននឹងប្រារព្ធពិធីឡើងកាន់អំណាចជាប្រធានាធិបតីដូចទំនៀមទំលាប់មុនៗឡើយ។គួរជម្រាបផងដែរថា លោក បៃដិន គ្រោងនឹងស្បថចូលកាន់តំណែងជាប្រធានាធិបតីនៅពាក់កណ្តាលថ្ងៃត្រង់ថ្ងៃទី ២០ ខែ មករា ហើយក៏បានប្រកាសតែងតាំងសមាជិកមួយចំនួន នៃគណៈរដ្ឋមន្រ្តីរបស់លោករួចរាល់ហើយដែរ៕<figure><img src="https://cms.dmpcdn.com/article/2020/12/07/f2038f30-382f-11eb-9b6d-3fdf37c2e48e_original.png" alt="លោក ដូណាល់ ត្រាំ&amp;nbsp; និងប្រធានាធិបតីជាប់ឆ្នោតអាមេរិកថ្មីលោក ចូ ប៊ៃដិន" style="width:100%"/><figcaption>លោក ដូណាល់ ត្រាំ&amp;nbsp; និងប្រធានាធិបតីជាប់ឆ្នោតអាមេរិកថ្មីលោក ចូ ប៊ៃដិន</figcaption></figure><figure><img src="https://cms.dmpcdn.com/article/2020/12/07/f2ab67f0-382f-11eb-9b6d-3fdf37c2e48e_original.jpg" alt="ពិធីឡើងកាន់អំណាចរបស់ប្រធានាធិបតីទី ៤៥ របស់សហរដ្ឋអាមេរិក លោក ដូណាល់ ត្រាំ" style="width:100%"/><figcaption>ពិធីឡើងកាន់អំណាចរបស់ប្រធានាធិបតីទី ៤៥ របស់សហរដ្ឋអាមេរិក លោក ដូណាល់ ត្រាំ</figcaption></figure><figure><img src="https://cms.dmpcdn.com/article/2020/12/07/f3651b00-382f-11eb-80e3-2fbf2839b261_original.jpg" alt="ពិធីឡើងកាន់អំណាចរបស់ប្រធានាធិបតីទី ៤៥ របស់សហរដ្ឋអាមេរិក លោក ដូណាល់ ត្រាំ" style="width:100%"/><figcaption>ពិធីឡើងកាន់អំណាចរបស់ប្រធានាធិបតីទី ៤៥ របស់សហរដ្ឋអាមេរិក លោក ដូណាល់ ត្រាំ</figcaption></figure><figure><img src="https://cms.dmpcdn.com/article/2020/12/07/f3c6ea10-382f-11eb-9b6d-3fdf37c2e48e_original.jpg" alt="ពិធីឡើងកាន់អំណាចរបស់ប្រធានាធិបតីទី ៤៥ របស់សហរដ្ឋអាមេរិក លោក ដូណាល់ ត្រាំ" style="width:100%"/><figcaption>ពិធីឡើងកាន់អំណាចរបស់ប្រធានាធិបតីទី ៤៥ របស់សហរដ្ឋអាមេរិក លោក ដូណាល់ ត្រាំ</figcaption></figure>

ដោយសារហេតុផលនេះ ប្រធានាធិបតីជាប់ឆ្នោត លោក បៃដិន សង្ឃឹមថា លោក ត្រាំ នឹងអញ្ជើញចូលរួមពិធីផ្ទេរ​តំណែងរបស់លោកនៅខែក្រោយ