មន្ត្រីប៉ូលីសឈឺក្បាល ដោយសារជនមួយចំនួនមិនខ្លាច ជម្ងឺកូវីដឆ្លង បែរជាមកផឹកស៊ីសប្បាយ

ភ្នំពេញ៖ ខណៈពេលជម្ងឺកូវីដ១៩បានបម្លែងទៅជាប្រភេទ Delta ដែលកាចសាហាវជាងមុន និងមិនសូវចេញរោគសញ្ញា ជម្ងឺប្រភេទថ្មីនេះបានចម្លងដល់ប្រជាពលរដ្ឋជាបន្ដបន្ទាប់មិនស្រាកស្រាន។ ដូចនេះក្រសួងសុខាភិបាលកាន់តែមានការព្រួយបារម្ភនិងចាត់វិធានការយ៉ាងតឹងរឹងបំផុតដើម្បីបង្ការមិនជម្ងឺនេះរីករាលដាលកាន់តែធំ។ 

ថ្មីៗនេះ បែរជាមានជនខិលខូចមួយចំនួនដែលមិនខ្លាចស្លាប់ បានល្មើសនឹងវិធានការដែលបានចែងរបស់ក្រសួង ដោយមកអង្គុយជួបជុំគ្នាផឹកស៊ី ដាក់បាស់ ទាំងកណ្ដាលថ្ងៃមិនក្រែងចិត្តសមត្ថកិច្ច។ 

ប៉ុស្ដិ៍នគរបាលរដ្ឋបាលស្ទឹងមានជ័យទី៣ បាននាំកម្លាំងចុះទៅចាប់ដល់កន្លែងភ្លាមៗ ចាប់ទាំងវត្ថុតាងដើម្បីយកទៅរក្សាទុកនិងធ្វើការប្រមានណែនាំដល់បុគ្គលដែលល្មើសទាំងនោះ។

សូមបងប្អូនបន្ដការប្រុងប្រយ័ត្ន និង អនុវត្តតាមវិធានការ ៣កុំ ៣ការពារ ឲ្យបានខ្ជាប់ខ្ជួនដើម្បីការពារពីជម្ងឺកូវីដ១៩មិនឲ្យរីករាលដាល៕

ប្រភព៖ ប៉ុស្ដិ៍នគរបាលរដ្ឋបាលស្ទឹងមានជ័យទី៣