បុរស ដែលត្រូវបានចាប់ពង្រត់ ដោយប៉ូលីស

ស្កុតឡែន៖ នៅយប់ថ្ងៃទី២២ ខែកុម្ភៈ ឆ្នាំ២០០៦បុរសម្នាក់មានឈ្មោះថា AccountantAndrew Ramsay អាយុ៥១ឆ្នាំ និងប្រពន្ធរបស់គាត់គឺអ្នកស្រី BeverlySinclair បាននាំគ្នាដើរត្រឡប់មកផ្ទះវិញបន្ទាប់ពីចំណាយពេលសប្បាយនៅផាប់មួយកន្លែង។ហើយនៅពេលដែលពួកគាត់ទាំងពីរមកដល់ផ្ទះនាវេលាម៉ោងប្រហែល៧:១០នាទីល្ងាច ក៏ស្រាប់តែមានរថយន្ដប្រភេទម៉ាក HondaAccord ពណ៌ខ្មៅមួយគ្រឿងបានឈប់ខាងក្រៅផ្ទះខណៈមានបុរសចំនួនពីរនាក់ផងដែរ ចេញពីក្នុងរថយន្ដ។

ទន្ទឹមនឹងនេះ លោក Andrew ត្រូវបាន.ចា.ប់.វា.យ.ខ្នោះ.ដៃ.ទាំងសងខាង និង.ចា.ប់.ខ្លួ.ន.ចូលក្នុងរថយន្ដ ដោយអះអាងថាគាត់បានជាប់ពាក់ព័ន្ធនឹងករណី.ក្លែ.ង.ប.ន្លំ។ បន្ទាប់មក បុរសទាំងពីរនាក់នេះ ដែលមើលទៅដូចជាប៉ូលិសបានប្រាប់ប្រពន្ធរបស់លោក Andrew ឲ្យទូរសព្ទ​ទៅ​កាន់ប៉ុស្តិ៍​ប៉ូលិសStewart Street នៃ​ទីក្រុង Glasgow​ ក្នុងរយៈពេលប្រហែល៤ម៉ោង ដើម្បីទទួលបានព័ត៌មានបន្ថែមមុនពេលពួកគេបើករថយន្ដចាកចេញទៅ។

តួយ៉ាង នាវេលាម៉ោង១១:០០នាទីយប់ អ្នកស្រីSinclairបានទូរសព្ទទៅកាន់ប៉ុស្តិ៍ប៉ូលិស ដោយសង្ឃឹមថានឹងទទួលបានព័ត៌មានទាក់ទងនឹងប្ដីប៉ុន្ដែអ្វីដែលអ្នកស្រីបានដឹង គឺប្ដីរបស់អ្នកស្រីមិនបាននៅប៉ុស្តិ៍ប៉ូលិសទេ និងមិនដឹងថាទៅណាហើយក៏មិនមានការ.ចា.ប់.ខ្លួ.ន.ដែរ។ មិនបង្អង់យូរការស៊ើបអង្កេតត្រូវបានចាប់ផ្ដើមធ្វើឡើង និងបានរកឃើញថា នៅយប់កើតហេតុផ្លូវមានសភាពមមាញឹកជាខ្លាំង ជាមួយនឹងក្រុមអ្នកគាំទ្របាល់ទាត់និងបុរសស្ត្រីជាឪពុកម្ដាយមដទៃទៀត ពិតជាមមាញឹកក្នុងការទៅទទួលកូនៗរបស់ពួកគេចេញពីការរៀនការ៉ាតេដូច្នេះការស្វែងរកភស្តុតាង ហាក់មានភាពពិបាកផងដែរ។

កន្លងផុតទៅអស់រយៈពេលជាង១ឆ្នាំក្នុងខែមេសា ឆ្នាំ២០០៧ ល.លា.ដ៍.ក្បា.ល.របស់លោក Andrewត្រូវបានប្រទះឃើញនៅក្នុងសំណាញ់នេសាទ ដែលមានទីតាំងស្ថិតនៅជិតកោះ Cumbrae នៃតំបន់ Ayrshire ប៉ុន្ដែដងខ្លួនវិញមិនត្រូវបានប្រទះឃើញទេ។ ហើយការស៊ើបអង្កេតនៅតែបន្ដធ្វើឡើងនិងរកឃើញថា លោក Andrewទំនងជាបានរៀបចំសម្ដែងនៃការ.បា.ត់.ខ្លួ.ន.របស់គាត់ប៉ុណ្ណោះ។

មិនត្រឹមតែប៉ុណ្ណេះទេ លោក Andrew ថែមទាំងត្រូវបានរកឃើញថា គាត់បានព្យាយាមយកប្រាក់កម្ចីចំនួន១៥០,០០០ផោន (ប្រមាណ១៧៩,៣០៤ដុល្លារអាមេរិកសម្រាប់តម្លៃប្រាក់ក្នុងពេលបច្ចុប្បន្នឆ្នាំ២០២២នេះ) ដោយបញ្ចាំផ្ទះរបស់ប្រពន្ធគាត់គឺអ្នកស្រី Beverly ផ្ទាល់តែម្ដង មុនពេលគាត់.បា.ត់.ខ្លួ.ន។ហើយគាត់បានបង្កើតទំនាក់ទំនងឡើងវិញជាមួយអតីតដៃគូស្នេហារបស់គាត់ដែលគាត់បានរួមរស់ជាមួយនាអំឡុងឆ្នាំ២០០៤ និង២០០៥ ក្នុងប្រទេសបែលហ្ស៊ិក។ មុនពេល.បា.ត់.ខ្លួ.នគាត់ក៏បានប្រាប់ដៃគូចាស់ទៀតថា គាត់នឹងមិនបានទាក់ទងជាមួយនាងរយៈពេលប៉ុន្មានខែ ដែលនឹងត្រូវធ្វើដំណើរទៅក្រៅប្រទេស។

ជាក់ស្ដែង លោក Andrew ហាក់ត្រូវបានគេស្គាល់យ៉ាងច្បាស់ក្នុងពិភពជំនួញប៉ុន្ដែមុនពេល.បា.ត់.ខ្លួ.ន គាត់ត្រូវបានរកឃើញថាមិនមានការងារធ្វើរយៈពេល៦ខែ។ ហើយគាត់ក៏ធ្លាប់ត្រូវបានសាកសួរពីប៉ូលិសជាច្រើនដងពាក់ព័ន្ធនឹងការស៊ើបអង្កេតនៃករណី.ក្លែ.ង.ប.ន្លំ.ផងដែរ។

លុះមកដល់ថ្ងៃទី២៨ខែវិច្ឆិកា ឆ្នាំ២០០៨ បុរសពីរនាក់ត្រូវបានចាប់ខ្លួន ដែលមានឈ្មោះថា Derek Menzies និង Ian Millarដោយ.ចោ.ទ.ប្រ.កា.ន់.ពីបទ.ចា.ប់.ព.ង្រ.ត់ និង.ឃា.ត.ក.ម្ម។ ចំពោះលោក Menzies ផ្ទាល់គឺជាប្រធានសន្តិសុខសម្រាប់ G1 និងជាម្ចាស់ផាប់រួមទាំងក្លិបដ៏ធំប្រចាំទីក្រុង Glasgow។

លោក Millar បានអះអាងថា គាត់មិនដែលស្គាល់ ឬជួបលោក Menzies និងលោក Andrew ដែលបាន.បា.ត់.ខ្លួននេះឡើយ។ ដូច្នេះគាត់ និងលោក Menziesបានបដិសេធទាំងស្រុងទាក់ទងនឹងការ.ចា.ប់.ព.ង្រ.ត់ ឬការ.ស្លា.ប់.របស់លោក Andrew។

អស់រយៈពេលជាច្រើនឆ្នាំមកនេះលោក Millar និងលោក Menzies មិនដែលបានបង្ហាញខ្លួននៅក្នុងតុលាការពាក់ព័ន្ធនឹងការ.បា.ត់.ខ្លួនរបស់លោក Andrew ទេ ហើយគ្មាននរណាម្នាក់ត្រូវបាន.ចា.ប់.ខ្លួន ឬ.ចោ.ទ.ប្រកាន់ទៀតដែរ។ចំណែកប្រពន្ធរបស់លោក Andrew គឺអ្នកស្រី Beverly ជាសាក្សីតែមួយគត់ចំពោះការ.បា.ត់.ខ្លួ.ន និងជាមនុស្សចុងក្រោយដែលបានឃើញលោកAndrew កាលនៅរស់ ប៉ុន្ដែជាអកុសល អ្នកស្រីបាន.ស្លា.ប់.បា.ត់.ប.ង់.ជីវិតក្នុងឆ្នាំ២០១៥។ យ៉ាងណាមិញ រហូតមកទល់ពេលនេះ ករណីរបស់លោក Andrewនៅតែបើកដំណើរការដដែល ដោយមិនទាន់ត្រូវបានដោះស្រាយឡើយ៕

រក្សាសិទ្ធិដោយ: ខ្មែរឡូត

ប្រភព: Medium / caitistyping

សូមទស្សនារូបភាពខាងក្រោម៖